“Bɛ Sa Nu Ahyɛlɛdeɛ Maa Gyihova”

Kɛ ɔkɛyɛ na yɛava “yɛ sa nu ahyɛlɛdeɛ yɛamaa Gyihova ɛnɛ” ɛ? (1Ek 29:5, 9, 14, NW) Ndenle ngakyile mɔɔ yɛbahola yɛalua zo yɛavi yɛ ahonle nu yɛaye ndoboa yɛaboa gyima mɔɔ Gyihova Alasevolɛ yɛ wɔ asafo ne anu nee ewiade amuala la a wɔ ɔ bo ɛke la.

BƐFA NDOBOA MƆƆ BƐDUA YINTANƐTE ANZƐƐ NDOBOA NLƐKA NE MƆ AZO BƐYE LA BƐBOA:

• 

  EWIADE AMUALA GYIMA NE

  Bɛtɛle nee ɔfese mɔɔ bɛkile edwɛkɛ bo la azua ɛsisilɛ yɛɛ ɛkɛ ne gyimayɛlɛ

  teokelase sukulu

  menli mɔɔ yɛ dahuu ɛzonlenlɛ gyima titili la

  esiane mekɛ nu moalɛ

  mbuluku ɛpelentelɛ, vidio ɛyɛlɛ, yɛɛ ɛlɛtɔlɔneke mbuluku

• 

  KAKƐ MƆƆ BƐBƆ YE WƆ ASAFO NE ANU

  asafo ne anu kakɛ, le kɛ nzule nee kɛnlaneɛ kakɛ yɛɛ Belemgbunlililɛ Asalo ne ɛziezielɛ

  ezukoa biala mɔɔ asafo ne ɛbɔ kpɔkɛ kɛ bɛfa bɛanwa Bɛtɛlɛ amaa bɛava bɛaboa:

  • Belemgbunlililɛ Asalo nee Nyianu Asalo ɛsisilɛ wɔ ewiade amuala

  • Ewiade Amuala Moalɛ Ngyehyɛleɛ ne

  • ewiade amuala gyimayɛlɛ gyɛne

MAANZINLI YƐƐ MAANGYEBAKYI NYIANU

Bɛfa ndoboa mɔɔ yɛye yɛboa yɛ maanzinli nyianu ne la bɛboka ewiade amuala gyima ne anwo. Yemɔti ewiade amuala gyima ne anwo ndoboa ne bie a bɛfa bɛtua maanzinli nyianu, nyianu titili yɛɛ maanle maanle avinli nyianu ne anwo kakɛ biala mɔɔ bɛbɔ la a.

Bɛfa ndoboa mɔɔ yɛye yɛboa maangyebakyi nyianu ne la bɛhaye nyianu asalo, bɛsiezie asalo ne yɛɛ bɛfa bɛtua kakɛ biala mɔɔ bɛbɔ ye wɔ maangyebakyi nyianu nwo la. Maangyebakyi bie bahola abɔ kpɔkɛ ava ezukoa mɔɔ baha zo la aye ndoboa aboa Gyihova Alasevolɛ ewiade amuala gyima ne.