November 19-25

GYIMA NE 4-5

“Bɛhɔle Zo Bɛvale Akɛnrasesebɛ Bɛhanle Nyamenle Edwɛkɛ Ne”: (Mit. 10)
- Gyi 4:5-13—“Bɛnze nwoma yɛɛ bɛnlɛ dibilɛ” ɛdeɛ, noko Pita nee Dwɔn lile bɛ diedi ne anwo daselɛ hilele mgbanyima ne mɔ yɛɛ mɛla kilehilevolɛma ne (mwbr18.11 3 ¶5; 4 ¶1)
- Gyi 4:18-20—Ɔnva nwo kɛ bɛnwunlonwunlanle bɛ la, Pita nee Dwɔn angyakyi kɛ bɛbabɔ edwɛkpa ne nolo
- Gyi 4:23-31—Ɛvoya mɔɔ limoa Kilisienema ne vale bɛ nwo dole Gyihova sunsum nwuanzanwuanza ne azo amaa bɛanyia akɛnrasesebɛ (mwbr18.11 4 ¶2 )
Kpondɛ Sunsum Nu Ninyɛne Dɔɔnwo: (Mit. 8)
- Gyi 4:11—Adenle boni azo a Gyisɛse le “bolɛ mɔɔ anwo hyia kpole kpalɛ a”? (mwbr18.11 4 ¶3)
- Gyi 5:1—Duzu ati a Ananayase nee Safaela dɔnenle bɛ agyapadeɛ ne bie a? (w13 3/1 15 ¶4)
- Duzu a dapɛne ɛhye Baebolo ɛgengalɛ ne ɛmaa wɔnwu ye wɔ Gyihova anwo a?
- Ninyɛne gyɛne mɔɔ yɛ anyelielɛ la boni a ɛnwunle ye wɔ dapɛne ɛhye Baebolo ɛgengalɛ ne anu a?
Baebolo Ɛgengalɛ: (Mit. 4 anzɛɛ ɔndwu) Gyi 5:27-42

Ɛkpɔlalɛ Mɔɔ Limoa: (Mit. 2 anzɛɛ ɔndwu) Fa adwelielilɛ nwo neazo ne bɔ ɔ bo. Ahenle ne fa edwɛkɛ mɔɔ bɛta bɛfa bɛpɛ adawubɔlɛ zo wɔ bɛ azɛlɛsinli ne anu la ye ɔ nloa.
Sia Kɔkpɔla Mɔɔ Limoa: (Mit. 3 anzɛɛ ɔndwu) Fa adwelielilɛ nwo neazo ne bɔ ɔ bo. Ahenle ne ka kile wɔ kɛ ɔnle Kilisienenli.
Sia Kɔkpɔla Mɔɔ Tɔ Zo Nwiɔ Vidio: (Mit. 5) Ye vidio ne na bɛzuzu nwolɛ.

Edwɛne 82
“Bagua Nu Daselɛlilɛ Zo Nvasoɛ Wɔ Ewiade Amuala”: (Mit. 15) Adawubɔlɛ mɔɔ ɛzonlenlɛ gyima zo neavolɛ ne bali nwolɛ gyima la. Ye vidio ne. Saa bɛ asafo ne fa ɛkponle anzɛɛ ehwili ne bie yɛ bagua nu daselɛlilɛ a, fa kile tievolɛma. Ka bɛ ɛkɛ ne ngyehyɛleɛ ne anwo edwɛkɛ. Saa mekɛ wɔ nu a, ka anzɛɛ maa bɛyɛ anwubielɛ kɛnlɛma bie mɔɔ bɛnyianle ye wɔ bɛ ɛkɛ ne la anwo yɛkile. Kilehile kɛzi nolobɔlɛma bahola ava bɛ nwo awula nu la anu.
Asafo Baebolo Ɛzukoalɛ: (Mit. 30) lv tile 13 ¶23-26, ɛlɛka “Nɔhalɛ Ɛzonlenlɛ Maa Yɛ Nye Die Kpole”.
Ndinu Nee Mɔɔ Yɛbazukoa Ye Dapɛne Bieko (Mit. 3)
Edwɛne 76 Nee Asɔneyɛlɛ