Ɔwɔ nu kɛ ɛnee Akpabɛnwo ne ɛngyi ɛkɛ ne ɛmmaa Ngakyelɛlilɛ ne, noko yɛkola yɛsukoa ninyɛne bie mɔ yɛfi Akpabɛnwo Ɛvoyia ne anu. Kɛ neazo la, ɛzoanvolɛ Pɔɔlo vɛlɛle Gyisɛse kɛ “yɛ Akpabɛnwo boaneralɛ ne.” (1Kɔ 5:7) Kɛ mɔɔ boane mogya ne mɔɔ bɛvale bɛhanle bɛ nlenkɛ felɛmo ne mɔ anwo la liele ngoane la, zɔhane ala a Gyisɛse mogya ne noko die ngoane a. (Ad 12:12, 13) Bieko, bɛambu Akpabɛnwo boane ne bowule nu. Zɔhane ala a, bɛambu Gyisɛse bowule nu ɔnva nwo kɛ ɛnee ɔle bɛ amaamuo kɛ ɔwɔ kɛ bɛyɛ zɔ la.—Ad 12:46; Dwn 19:31-33, 36.