Nea Na Wɔando Ɛ Nwo Nee Awie Mɔ Aze

Gyisɛse vale ndonwo hilele anyebolo mɔɔ wɔ nu kɛ yɛbado yɛ nwo anzɛɛ awie mɔ aze la.

18:6, 7

• “Azedolɛ bolɛ” gyi ɛkɛ ne maa nyɛleɛ anzɛɛ debie biala mɔɔ maa awie tudu agyakɛ ɛtane na ɔgyakyi ɛbɛlabɔlɛ kpalɛ mɔɔ ɔlɛbɔ la anu na ɔyɛ ɛtane la

• Ɔle kpalɛ kɛ anrɛɛ bɛkɛva ɛdibolɛ bɛkɛhenda awie mɔɔ kɛmaa ɔ gɔnwo kɛgyakyi ye diedi nu la akɔme na bɛkɛhɔdo ye nyevile kunlu

18:8, 9

• Gyisɛse dule ye ɛdoavolɛma folɛ kɛ bɛpɛ anzɛɛ bɛdu debie bɔbɔ mɔɔ sonle bolɛ le kɛ bɛ sa anzɛɛ bɛ nye bɛdo saa ɔlɛto bɛ aze a

• Ɔle kpalɛ kɛ ɛbava debie mɔɔ hyia wɔ kpalɛ la wɔabɔ afɔle na wɔahɔ Nyamenle Belemgbunlililɛ ne anu tɛla kɛ ɛlɛ bɛ na bɛkɛdo wɔ Gehenna senle nu mɔɔ gyi ɛkɛ ne maa ɛzɛkyelɛ bɔkɔɔ la

Duzu a bahola ayɛ azedolɛ bolɛ amaa me wɔ me ɛbɛlabɔlɛ nu a? Kɛ ɔkɛyɛ na meando me nwo anzɛɛ awie mɔ aze ɛ?