Ɛzukoalɛdeɛ Mɔɔ Wɔ Dwona Buluku Ne Anu La

Gyihova ɛmaa bɛhɛlɛ mrenyia nee mraalɛ nɔhavoma dɔɔnwo anwo edwɛkɛ wɔ ye Edwɛkɛ ne anu amaa yɛanyia ɛzukoalɛdeɛ ngakyile yɛavi nu. (Wlo 15:4) Duzu a ɛsukoa ɛfi Dwona buluku ne anu a? Nea Abusua Ɛzonlenlɛ: Dwona​—Sukoa Debie Fi Gyihova Anwunvɔnezelɛ Ne Anu vidio ne na bua kpuya ɛhye mɔ:

• Ngyegyelɛ boni a nolobɔlɛma nsa ne mɔɔ wɔ vidio ne anu la yiale a?

• Kɛzi Dwona buluku ne bahola amaa yɛ anwosesebɛ, saa bɛtea yɛ anzɛɛ ɛzonlenlɛ nwo adenle mɔɔ yɛlɛ la fi yɛ sa a? (1Sa 16:7; Dna 3:1, 2)

• Kɛzi Dwona edwɛkɛ ne maa yɛnwu kɛ ɔwɔ kɛ yɛnyia adwenle kpalɛ wɔ yɛ azɛlɛsinli ne anwo ɛ? (Dna 4:11; Mt 5:7)

• Saa yɛlɛyia kpɔkɛdelɛ nwo ngyegyelɛ bie a kɛzi Dwona anwubielɛ ne bakyekye yɛ rɛle ɛ? (Dna 2:1, 2, 7, 9)

• Kɛzi vidio ɛhye ɛboa wɔ ɛmaa wɔnwu nvasoɛ mɔɔ wɔ Baebolo ɛgengalɛ nee nwolɛ ɛdwenledwenlenlɛ zo la ɛ?