Asoo Nɔhalɛ Ɛzonlenlɛ Sonle Bolɛ Maa Wɔ?

Yizikeɛle ɛzonlenlɛ sua nwo yekile ne maanle Dwuuma mɔɔ hɔle akɛlɛzonlenlɛ nu la anwosesebɛ ɔluakɛ ɔmaanle bɛ anyelazo kɛ bɛbava nɔhalɛ ɛzonlenlɛ bɛazie ɛkɛ ne bieko. Wɔ awieleɛ mekɛ ɛhye anu, nɔhalɛ ɛzonlenlɛ ɛyɛ “boka mɔɔ wale tɛla boka biala,” na yɛboka menli mɔɔ vi maanle ngakyile nu mɔɔ ɛra boka ɛhye azo la anwo. (Ay 2:2) Asoo ɔyɛ a ɛdie mekɛ ɛsuzu nwolɛ adenle mɔɔ wɔnyia ɛlɛsonle Gyihova la anwo ɔ?

NƆHALƐ ƐZONLENLƐ NWO NYILALƐ:

• 

  Yɛnyia sunsum nu aleɛ dɔɔnwo mɔɔ maa yɛnyia ɛbɛlabɔlɛ nu kpuya mgbole nwo mualɛ mɔɔ yɛkola yɛfa yɛbɔ yɛ ɛbɛla na yɛnyia anyelazo a.​—Ay 48:17, 18; 65:13; Wlo 15:4

• Ewiade amuala mediemayɛlɛ.​—Ed 133:1; Dwn 13:35

• Nwolɛ adenle mɔɔ yɛnyia ye kɛ yɛ nee Nyamenle ɛlɛyɛ gyima mɔɔ ahunlundwolɛ wɔ nu la.​—Gyi 20:35; 1Kɔ 3:9

• “Nyamenle anzodwolɛ” mɔɔ maa yɛ anwosesebɛ wɔ ngyegyelɛ mekɛ nu la.​—Fe 4:6, 7

• Adwenle mɔɔ anu te.​—2Ti 1:3

• Yɛ nee Gyihova nyia agɔnwolɛvalɛ.​—Ed 25:14

Kɛzi mebahile kɛ nɔhalɛ ɛzonlenlɛ sonle bolɛ maa me ɛ?