Ɛlɛ Gyihova Ɛwɔkɛ Ne Mɔ Anu Diedi Kpundii Ɔ?

Dwɔhyua nee Sɔlɔmɔn zile ye pi kɛ Gyihova lile ɛwɔkɛ biala mɔɔ ɔbɔle la azo. (Dwh 23:14; 1Ar 8:56) Alasevolɛ nwiɔ ɛhye daselɛ ne boka adiabo ne mɔɔ kola maa yɛ diedi ne yɛ kpundii la anwo.​—2Kɔ 13:1; Ta 1:2.

Kɛzi Gyihova maanle ye ɛwɔkɛ ne mɔ rale nu wɔ Dwɔhyua mekɛ zo ɛ? Ɛ nee wɔ abusua ne ɛbɔ nu ɛnlea vidio ne mɔɔ se ‘Edwɛkɛ Kpɔkɛ Ko Bɔbɔ Anga Nu’ la. Akee bɛzuzu kpuya ɛhye mɔ anwo: (1) Kɛzi ɛbazukoa Releehabe diedi ne ɛ? (Hi 11:31; Gye 2:24-26) (2) Kɛzi Ekan neazo ne maa yɛnwu kɛ saa yɛ nye fuu yɛyɛ ɛtane a yɛbanwu yɛ nyunlu ɛ? (3) Ɛnee Gebɛyɔnoma ze konle nye zo ɛdeɛ noko duzu ati a bɛbɛlɛbɛlale Dwɔhyua na bɛ nee Yizilayɛma yɛle anzodwolɛ ngyekyeleɛ a? (4) Mekɛ mɔɔ Amɔle arelemgbunli nwunlonwunlanle Yizilayɛma la, kɛzi Gyihova edwɛkɛ rale nu ɛ? (Dwh 10:5-14) (5) Ɛvale Nyamenle Belemgbunlililɛ nee ye tenleneyɛlɛ ne ɛlile moa wɔ wɔ ɛbɛlabɔlɛ nu la, kɛzi Gyihova ɛboa wɔ ɛ?​—Mt 6:33.

Saa yɛdwenledwenle mɔɔ Gyihova ɛyɛ, mɔɔ ɔlɛyɛ nee mɔɔ ɔbayɛ la anwo a, ɔbamaa diedi mɔɔ yɛlɛ ye wɔ ye ɛwɔkɛ ne mɔ anu la ayɛ kpole.​—Wlo 8:31, 32.