Di Fɛlɛko Ɔlua Wɔ Anyelazo Ne Ati

Anyelazo le kɛ sɛkɛ la. (Hi 6:19) Saa yɛyia ɛbɛlabɔlɛ nu ngyegyelɛ a, ɔboa yɛ amaa yɛ diedi ne andɔ nzule nu kɛ meli mɔɔ ɛnloma la. (1Te 1:18, 19) Ɛbɛlabɔlɛ nu ngyegyelɛ ne bie a le bɛsanudolɛ, nwonane afoa nu ninyɛne mɔɔ fi bɛ sa, anwondolɛ mɔɔ kyɛ, dɔvolɛ bie ewule anzɛɛ debie biala mɔɔ sɔ yɛ nɔhalɛlilɛ nea la.

Diedi nee anyelazo boa yɛ maa yɛnwu nyilalɛ mɔɔ bɛva bɛbɔ yɛ ɛwɔkɛ la. (2Kɔ 4:16-18; Hi 11:13, 26, 27) Ɔti, saa yɛlɛ anwuma anzɛɛ azɛlɛ ye azo anyelazo a, ɔwɔ kɛ dahuu yɛdwenledwenle ɛwɔkɛ mɔɔ wɔ Nyamenle Edwɛkɛ ne anu la anwo na yɛfa yɛmia nu. Saa yɛyia sɔnea a, ɔnrɛyɛ se kɛ yɛbahɔ zo yɛamaa yɛ nye alie.​—1Pi 1:6, 7.

BƐNLEA DI FƐLƐKO ƆLUA WƆ ANYELAZO NE ATI VIDIO NE NA BƐBUA KPUYA ƐHYE MƆ:

• Duzu ati a ɔwɔ kɛ yɛsukoa Mosisi neazo kpalɛ ne ɛ?

• Ɛzonlelilɛ boni a la mbusua tile nwo zo a?

• Edwɛkɛ boni mɔ a bɛbahola bɛazuzu nwo wɔ Abusua Ɛzonlenlɛ bo a?

• Kɛzi anyelazo ne bahola aboa wɔ yeamaa wɔanyia anwodozo wɔ sɔnea mekɛ nu ɛ?

• Duzu a ɛ nye la zo a?