Anwuma Ngilehilelɛ Di Adwenletane Zo Konim

Gyihova ɛnli mɔguazo. (Gy 10:34, 35) Ɔdie menli mɔɔ vi “mbusua, maanle, aneɛ nee menli ngakyile kɔsɔɔti anu” la ɔto nu. (Ye 7:9) Ɔti, menli nwo adwenletane nee nyeyenu ɛnle Kilisiene asafo ne anu. (Gye 2:1-4) Yɛyɛ Nyamenle mo kɛ yehilehile yɛ, yemaa yɛnyia sunsum nu paladaese mɔɔ menli ngakyile ɛlɛkakyi bɛ subane wɔ nu la. (Ay 11:6-9) Mekɛ mɔɔ yɛlɛbɔ mɔdenle yɛaye menli nwo adwenletane yɛavi yɛ ahonle nu la, ɛnee yɛlɛsukoa Nyamenle.​—Ɛf 5:1, 2.

NEA VIDIO JOHNY NEE GIDEON: ƐNEE BƐLE AGBƆVOLƐ, ƐNƐ BƐLE MEDIEMA. AKEE BƐBUA KPUYA ƐHYE MƆ:

• Nzɔne ati a anwuma ngilehilelɛ sonle bolɛ tɛla mɔdenle mɔɔ menli ɛlɛbɔ kɛ bɛtu menli nu nyeyenu nee adwenletane bo la ɛ?

• Duzu a maa ɛ nye die yɛ ewiade amuala mediemayɛlɛ ne anwo a?

• Kɛzi yɛyɛ ko kɛ Kilisienema a, ɔwula Gyihova anyunlunyia ɛ?