“Mewɔ Ɛke! Soa Me”

Ɔwɔ kɛ yɛsukoa Ayezaya tunwomaa sunsum ne. Ɔlale diedi ali na ɔlile ngyianlɛ bie anwo gyima ndɛndɛ, ɔnva nwo kɛ ɛnee ɔnze nwolɛ edwɛkɛ kɔsɔɔti la. (Ay 6:8) Ɛbahola wɔayɛ nzenzaleɛ amaa wɔahɔzonle wɔ ɛleka mɔɔ bɛhyia Belemgbunlililɛ nolobɔlɛma dɔɔnwo anwo la ɔ? (Ed 110:3) Nɔhalɛ nu, kolaa na wɔahɔ la ɔwɔ kɛ ɛdimoa ‘ɛsese ye bolɛ’ ne. (Lu 14:27, 28) Noko akee, nyia ɛhulolɛ kɛ ɛbabɔ afɔle ɔlua edwɛkɛhanlɛ gyima ne ati. (Mt 8:20; Mk 10:28-30) Kɛ mɔɔ yɛnwu ye wɔ Yɛdule Yɛhɔle Ɛleka Mɔɔ Moalɛ Nwo Hyia La vidio ne anu la, nyilalɛ mɔɔ yɛnyia yɛfi Gyihova ɛkɛ la zonle tɛla afɔle biala mɔɔ yɛbɔ wɔ ye ɛzonlenlɛ nu la.

BƐNEA VIDIO ƐHYE BƐWIE A, MAA BƐBUA KPUYA ƐHYE MƆ:

• Afɔle boni a William abusua ne bɔle amaa bɛahɔzonle wɔ Ecuador a?

• Ninyɛne boni a bɛzuzule nwo kolaa na bɛahɔ a?

• Nyilalɛ boni a bɛnyianle a?

• Nienwu a ɛbahola wɔanwu ɛleka mɔɔ moalɛ nwo hyia la anwo edwɛkɛ dɔɔnwo a?

BƐZUZU KPUYA ƐHYE MƆ ANWO WƆ BƐ ABUSUA ƐZONLENLƐ BIEKO ABO:

• Kɛ ɔkɛyɛ na yɛ nee yɛ abusua ne ayɛ dɔɔnwo wɔ daselɛlilɛ nu ɛ? (km 8/11 4-6)

• Saa yɛnrɛhola yɛnrɛhɔ ɛleka mɔɔ bɛhyia moalɛ la a, ndenle boni mɔ anu a yɛbahola yɛalua zo yɛaboa yɛ asafo ne a? (w16.03 3-5)