Bɛze ‘Ɔ Hu Kɛ Ɔtɛnla Anlenkɛ Kpole Ne Anloa’

Yelɛ kpalɛ maa bɛka ɔ hu anwo edwɛkɛ kpalɛ. Wɔ Belemgbunli Lɛmuwɛle mekɛ zo, ɛnee bɛze kunli mɔɔ lɛ yelɛ kpalɛ la kɛ ɔkɔtɛnla ‘anlenkɛ kpole ne anloa wɔ mgbanyima ne mɔ avinli.’ (Mrɛ 31:23) Ɛnɛ, mrenyia mɔɔ bɛbu bɛ la sonle kɛ mgbanyima nee azonvolɛ. Saa bɛgya a, bɛ ye mɔ subane kpalɛ nee bɛ moalɛ a maa bɛnyia adenle bɛsonle a. (1Te 3:4, 11) Kunlima nee asafo ne anu amra bu yelɛma kpalɛ ɛhye mɔ.

Yelɛ kpalɛ boa ɔ hu maa ɔsonle ɔlua . . . 

• edwɛkɛ mɔɔ maa anwosesebɛ mɔɔ ɔka ɔkile ye.​—Mrɛ 31:26

• ye ahonle nu mɔɔ ɔfi ɔmaa ɔ hu sonle asafo ne.​—1Tɛ 2:7, 8

• ɔ kunlu mɔɔ dwo ɔ nwo.​—1Te 6:8

• asafo ne anu fealera nu edwɛkɛ mɔɔ ɔmbiza ɔ hu la azo.​—1Te 2:11, 12; 1Pi 4:15