Ɛlɛfa JW Library Ne Wɔali Gyima Ɔ?

JW Library ne le app mɔɔ bamaa wɔahwe Baebolo nee mbuluku gyɛne, vidio nee edwɛkɛ mɔɔ bɛbɔ bɛtie la wɔagua wɔ fonu, tabelɛte, anzɛɛ wɔ kɔmpita zo mɔɔ ɛndua nwolɛ ɛhwee.

KƐZI BƐNYIA YE LA: Kɔ Yintanɛte ne azo, na twe JW Library ne fi app nwo ninyɛne ne anu. JW Library app ne wɔ milahyinli dɔɔnwo azo. Mekɛ mɔɔ ɛwɔ Yintanɛte ne azo la buke app ne anu na kpa ninyɛne mɔɔ ɛkulo kɛ ɛtwe ɛgua wɔ milahyinli ne azo la. Saa ɛnnyia Yintanɛte ne wɔ sua nu a, bie a ɛbahola wɔanyia bie wɔ Belemgbunlililɛ Asalo, maanlema mbulukuzielɛleka anzɛɛ ɛleka ngakyile. Saa ɛtwe mbuluku ne bie ɛgua wɔ milahyinli ne azo a, ɔngyia kɛ ɛbahɔ Yintanɛte ne azo na wɔagenga. Ɔluakɛ bɛfa ninyɛne fofolɛ bɛgua JW Library ne azo dahuu la ati, ɔyɛ a, ɔwɔ kɛ ɛkɔ ɛkɛ na ɛtwe mɔɔ bɛva bɛgua ɛkɛ la bie.

DUZU ATI A ƆWƆ KƐ ƐNYIA BIE A? JW Library ne maa ɛkola ɛyɛ ɛ ti anwo debiezukoalɛ na ɛdi asafo debiezukoalɛ ne anzi. Eza ɔboa wɔ daselɛlilɛ nu kpalɛ, titili wɔ mekɛ mɔɔ yɛnle daselɛlilɛ nu na yɛlɛdi daselɛ la.