Teokelase Ɛzonlenlɛ Sukulu Ndinu
Bɛbazuzu kpuya ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo August 31, 2015 la anu.
Nɔhalɛ mɔɔ fane Gyihova Nyamenle anwo mɔɔ maa yɛ diedi nu mia la boni a wɔ Sɔlɔmɔn nzɛlɛlɛ ne anu a, na kɛzi yɛdwenledwenle nɔhalɛ ɛhye anwo a ɔbaboa yɛ ɛ? (1 Arl. 8:22-24, 28) [July 6, w05-E 7/1 m. 30 ɛden. 3]
Kɛzi yɛbahola yɛazukoa Devidi mɔɔ ‘ɔyeyele ye ahonle nu’ ɔ nee Gyihova luale la ɛ? (1 Arl. 9:4) [July 13, w12 11/1 m. 12 ɛden. 18-19]
Nzɔne a yɛsukoa yɛfi Yilaegya mɔɔ Gyihova maanle ɔhɔdɛnlanle Zalefate kunlavolɛ raalɛ ne anwo ɛkɛ la anu a? (1 Arl. 17:8-14) [July 27, w14 2/15 m. 14]
Kɛzi 1 Arelemgbunli 17:10-16 anu edwɛkɛ ne mɔɔ yɛbadwenledwenle nwo la bamaa Gyihova anu anwodozo mɔɔ yɛkpondɛ kɛ yɛnyia la anu amia ɛ? [July 27, w14 2/15 m. 13-15]
Kɛzi arɛlebɔlɛ mɔɔ Yilaegya gyinlanle ɔ nloa la bahola aboa yɛ ɛ? (1 Arl. 19:4) [Aug. 3, ia m. 102-103 ɛden. 10-12; w14 3/15 m. 15 ɛden. 15-16]
Gyihova nwunle kɛ ye nɔhalɛ ngapezonli Yilaegya asa nu ɛdo la, nzɔne a ɔyɛle a, na kɛzi yɛbahola yɛazukoa yɛ ɛlɔlɛ Nyamenle ne ɛ? (1 Arl. 19:7, 8) [Aug. 3, w14 6/15 m. 27 ɛden. 15-16]
Adwenle mɔɔ ɛndenrɛ la boni a Belemgbunli Ehabe nyianle a, na kɛ ɔkɛyɛ na Kilisienema ahoati kɛ bɛbayɛ nvonleɛ ko ne ala bie ɛnɛ a? (1 Arl. 21:20) [Aug. 10, lv m. 164-165, ɛlɛka; w14 2/1 m. 14 ɛden. 3-4]
Nzɔne a yɛsukoa yɛfi debie mɔɔ Yilaehya bizale vile Yilaegya ɛkɛ la anu ɛ, na kɛzi ɛhye baboa yɛ wɔ mekɛ mɔɔ yɛbanyia Belemgbunlililɛ gyimalilɛ fofolɛ bie la ɛ? (2 Arl. 2:9, 10) [Aug. 17, w03-E 11/1 m. 31 ɛden. 5-6]
Kɛzi ngakula bahola azukoa Yizilayɛnli kakula raalɛ ne mɔɔ bɛha ɔ nwo edwɛkɛ wɔ 2 Arelemgbunli 5:1-3 la diedi nee ye akɛnrasesebɛ ne ɛ? [Aug. 24, w12 2/1 m. 20-21 ɛden. 11]
Gyihu subane boni a ɔwɔ kɛ Gyihova azonvolɛ kɔsɔɔti bɔ mɔdenle kɛ bɛbazukoa wɔ awieleɛ mekɛ ɛhye anu a? (2 Arl. 10:16) [Aug. 31, w11-E 11/15 m. 5 ɛden. 4]