Ɛzonlenlɛ Gyima Anyuhɔlɛ

Wɔ February 15, 2015, bɛyɛle ayia titili bie. Yɛ gyima ti agyakɛnugyinlavolɛ bie maanle ɛdendɛlɛ mɔɔ ɔ ti se “Endurance That Wins God’s Approval” (Kpundiigyinlanlɛ Mɔɔ Nyamenle Die To Nu). Menli 45,885 a diele ɛdendɛlɛ ɛhye bie a.

Tievolɛma 9,338 yiale wɔ Accra Nyianu Asalo ne, yɛɛ bɛluale vidio zo bɛmaanle menli 28,220 mɔɔ yiale wɔ nyianu asalo ngakyile nsuu nee menli 8,327 mɔɔ yiale wɔ Belemgbunlililɛ Asalo 31 anu la diele ɛdendɛlɛ ne. Mekɛ mɔɔ limoa mɔɔ yɛlua vidio zo yɛmaa mediema bie mɔ ɛdie ɛdendɛlɛ wɔ Belemgbunlililɛ Asalo la ɛne. Na yeboa yemaa mediema dɔɔnwo ɛnyia ayia titili zɛhae mɔɔ yɛyɛ wɔ Ghana la azo nvasoɛ. Gyihova ahyehyɛdeɛ ne ɛlɛfa ɛlɛtɔlɔneke ninyɛne ali gyima wɔ adenle kɛnlɛma zo wɔ mekɛ mɔɔ Gyihova ɛlɛboɔboa ye menli nloa yeamaa bɛayɛ “menli ekpunli ko kɛ mboane mɔɔ wɔ tunli nu la.”​—Maeka 2:12.