Nolobɔlɛ

◼ Buluku mɔɔ yɛbava yɛamaa wɔ June: Duzu A Baebolo ne Kilehile Amgba A? anzɛɛ trate ɛhye mɔ anu ko: Kɛzi Ɛbu Baebolo Ne Ɛ? (T -30), Kɛzi Ɛnwu Kenlebie Ɛ? (T-31), Duzu A Maa Abusua Asetɛnla Yɛ Anyelielɛ A? (T-32), Nwane A Amgba Nea Ewiade Ne Azo A? (T-33), Asoo Amaneɛnwunlɛ Bara Awieleɛ? (T-34). July nee August: Edwɛkpa Mɔɔ Vi Nyamenle Ɛkɛ!, Tie Nyamenle, anzɛɛ Tie Nyamenle Na Nyia Dahuu Ngoane. September: Ɛzinzalɛ Arane nee Awake! magazine ne mɔ.

◼ Saa bɛlɛbu bɛ daselɛlilɛ mgbonda ne wɔ siane ne awieleɛ a, ɔwɔ kɛ bɛkɛlɛ trate nee ɛsalɛdolɛ kɛlata biala mɔɔ bɛbava bɛamaa anzɛɛ bɛbava bɛagyakyi menli mɔɔ bɛnle sua nu la dodo wɔ “Brochures and Tracts” ɛleka ne. Saa awie kile edwɛkɛ ne anwo anyelielɛ na ɔdie buluku anzɛɛ trate bɔbɔ a, ɔwɔ kɛ bɛsia bɛkɔkpɔla ye.

◼ Ɔvi October 19, 2015 dapɛne ne mɔɔ ba la, yɛbazukoa Sukoa Bɛ Diedi buluku ne wɔ Asafo Baebolo Ɛzukoalɛ ne anu. Ɔwɔ kɛ asafo mɔɔ bɛhyia buluku ne bie dɔɔnwo la kɛla bie wɔ mekɛ mɔɔ bɛlɛkɛla ninyɛne la. Kɛ anrɛɛ bɛdabɛ mɔɔ bɛkulo ye wɔ ɛlɛtɔlɔneke debie zo bɛlie buluku ne bie la, ɔbayɛ kpalɛ kɛ bɛbahwe bie wɔ jw.org.