Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ November anu

“Mesɛlɛ wɔ tie kpuyia ɛhye mɔɔ yɛ anyelielɛ la. [Kenga November 1 Ɛzinzalɛ Arane ne anzi kpuyia ne mɔɔ lumua la.] Kɛ wɔ adwenle se wɔ ɛ? [Kenga ɛdendɛkpunli ko nee nwiɔ ne mɔɔ wɔ kpuyia zɔhane abo la yɛɛ yeanyɛ boɛ fee la ngɛlɛlera mɔɔ wɔ nu la anu ko.] Anrɛɛ membɛla na yɛzuzu deɛmɔti Gyisɛse dwazole menli nee mɔɔ ɛhye kile maa yɛ la anwo ɔ?”

Ɛzinzalɛ Arane November 1

“Asoo wɔdwenle deɛmɔti ninyɛndane dɔɔnwo ɛlɛkɔ zo wɔ ewiade ye anu la anwo? [Maa ɔbua.] Baebolo ne kilehile deɛmɔti ɔle zɔ la anu wɔ Yekile 12:9. [Kenga.] Noko ngyɛnu 12 ne maa yɛnyia anyelazo. [Kenga Yekile 12:12.] Ɔnrɛhyɛ bɛbaye Seetan nee ye ninyɛndane ne mɔ bɛavi ɛkɛ. Edwɛkɛ ɛhye mɔɔ ɔ ti ne se ‘Ɔwɔ Kɛ Yɛsulo Seetan Ɔ?’ la maa yɛnwu kɛzi yɛbahola yɛabɔ yɛ nwo bane yɛavi Seetan anwo ɛnɛ nee mɔɔ bado ye kenlensa ye anwo la. Wɔ ɛdeɛ ɛne.”

Awake! November

“Awie biala kpondɛ kɛ ɔ nye die, noko ɛnɛ, menli dɔɔnwo anye ɛnlie. Ɛnea a nzɔne a fa anyelielɛ kpalɛ ba a? [Maa ɔbua.] Menwu ye kɛ Baebolo ne boa maa yɛ nye die wɔ asetɛnla nu. Kɛ neazo la, nea Baebolo ngyinlazo ɛhye. [Kenga Hibuluma 13:5.] Magazine ɛhye ka Baebolo ne anu ninyɛne titile nna mɔɔ fa anyelielɛ kpalɛ ba la anwo edwɛkɛ.”