Edwɛkɛ Mɔɔ Yɛbaha La Neazo

Nienwu A Yɛbanyia Ɛbɛlabɔlɛ Nu Kpuyia Mɔɔ Anwo Hyia La Anwo Mualɛ A?

Fa trate ne maa suamenle ne amaa yeanwu edwɛkɛtile ne, na ka kɛ: “Mesɛlɛ wɔ, yɛlɛkyehyɛ edwɛkɛ ɛhye mɔɔ anwo hyia la wɔ ewiade amuala. Wɔ ɛdeɛ ɛne.”

Saa ɛlɛfa trate ne wɔagyakyi menli mɔɔ bɛnle sua nu la a, fa to ɛleka mɔɔ bɛba a bɛbanwu ye la, eza mmabubu ye somaa.

Saa suamenle ne kile anyelielɛ anzɛɛ ɔkulo kɛ ɔtendɛ a, ɛbahola wɔamaa yeahile ye adwenle wɔ kpuyia ne mɔ mɔɔ wɔ zolɛ la anwo. Buke trate ne anu na kile ye edwɛkɛ mɔɔ wɔ Edwɛndolɛ 119:144, 160 la. Kilehile nuhua kɛ Intanɛte gyimalilɛ ɛleka bie mɔɔ bahola aboa ye yeamaa yeanyia Baebolo ne anu mualɛ mɔɔ ahunlundwolɛ wɔ nu la wɔ trate ne anu. Bie a ɛbahola wɔaye Duzu Ati A Ɔwɔ Kɛ Ɛsukoa Baebolo Ne A? video ne wɔahile ye. Kolaa na wɔahɔ la, kile ye kpuyia nsa ne mɔɔ wɔ trate ne anzi la, na biza ye nuhua ne mɔɔ gyegye ye kpalɛ la. Ka kile ye kɛ ɛbazia wɔara na wɔalua jw.org ne azo wɔahile ye kɛzi ɔbanwu mualɛ mɔɔ Baebolo ne fa maa wɔ zɔhane kpuyia ne anwo la. Ɛsia ɛkɔ a, bɛbuke NINYƐNE > MBULUKU & BROHYUA na bɛzuzu mualɛ ne anwo wɔ ɛkɛ.

Eza saa bɛlɛkyehyɛ maanzinli nyianu ɛsalɛdolɛ kɛlata ne a, fa ɛsalɛdolɛ kɛlata ne maa suamenle ne wɔ mekɛ mɔɔ ɛbava trate ne wɔamaa ye la na ka kɛ, “Eza yɛmaa wɔ nyianu bie mɔɔ bɛndua ɛhwee mɔɔ yɛbahɔ la anwo ɛsalɛdolɛ kɛlata amaa wɔara bie.”

Ɛzinzalɛ Arane August 1

Saa ɔfɛta a, ka ɛhye na fa Ɛzinzalɛ Arane ne maa wɔ dapɛne awieleɛ: “Eza yɛkpondɛ kɛ yɛfa yɛ magazine ne mɔɔ ɛra fofolɛ la yɛmaa wɔ. Ɛzinzalɛ Arane ɛhye bua kpuyia ɛhye, Asoo Nyamenle dwenle ɛ nwo?”

Awake! August

Saa ɔfɛta a, ka ɛhye na fa Awake! magazine ne maa wɔ dapɛne awieleɛ: “Eza yɛkpondɛ kɛ yɛfa yɛ magazine ne mɔɔ ɛra fofolɛ la yɛmaa wɔ. Awake! ɛhye bua kpuyia ɛhye, How can people make peace?”