Kɔ Bɛ Ɛkɛ Ne Ndɛndɛ

Bɛyɛle yɛ jw.org ne fofolɛ la, menli dɔɔnwo ɛlua zo ɛha kɛ bɛ nee bɛ ɛrazukoa Baebolo ne. Bagua nu daselɛlilɛ ne noko ɛlɛmaa menli dɔɔnwo aha kɛ bɛ nee bɛ ɛrazukoa. Bɛtɛle di ɛhye mɔ anwo gyima ndɛndɛ. Kɛ neazo la, saa awie dua jw.org ne azo ka kɛ bɛ nee ye ɛrazukoa a, fane dɔɔnwo ne ala ɔkali kenle nwiɔ la ɔfese ne maa mgbanyima mɔɔ wɔ ɛleka mɔɔ ahenle ne de la te. Noko, ɔfese ne ɛde kɛ ɔyɛ a ɔkyɛ na mediema ahɔkpɔla menli ɛhye mɔ. Kɛ ɔkɛyɛ na yɛahola yɛaboa bɛ ndɛndɛ amaa bɛ anyelielɛ ne anga aze ɛ?​—Maake 4:14, 15.

Saa awie mɔɔ ɔnle wɔ azɛlɛsinli ne anu la anye die edwɛkɛ ne anwo a, hyehyɛ Please Follow Up (S-43) ne ndɛndɛ na fa maa kɛlɛhɛlɛvolɛ ne wɔ debiezukoalɛ bieko abo. Ɔkali kenle ko anzɛɛ kenle nwiɔ la, ɔwɔ kɛ kɛlɛhɛlɛvolɛ ne maa asafo ne mɔɔ fɛta la asa ka ye anzɛɛ ɔdua Follow Up ne mɔɔ wɔ Congregation abo wɔ jw.org ne azo la azo ɔfa edwɛkɛ ne ɔnwa ɔfese ne. Ɔwɔ kɛ mgbanyima ta kɔ Intanɛte ne azo. Saa bɛka bɛkile bɛ kɛ bɛhɔkpɔla awie a, ɔwɔ kɛ bɛkɔkpo ɔ bo zo ndɛndɛ. Ɔwɔ kɛ nolobɔlɛnli mɔɔ bɛbaha kɛ ɔhɔkpo ahenle abo zo la maa ɛhye kyia ye kpalɛ. Saa ahenle ɛnle sua nu a, ɛbahola wɔhɛlɛ ɛ nwo edwɛkɛ ekyi wɔado ɛleka mɔɔ ɔba a ɔbanwu ye la.