Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ June

“Yɛva mekɛ ekyi yɛra ɛke kɛ yɛbaha edwɛkɛ sikalɛ bie mɔɔ yɛ anyelielɛ la anwo edwɛkɛ.” [Fa kpuyia mɔɔ lumua mɔɔ wɔ June 1 Ɛzinzalɛ Arane ne anzi la kile ye.] Kɛzi ɛdwenle nwo ɛ? Maa ɔbua. Bɛbɔ nu bɛzuzu edwɛkɛ mɔɔ wɔ kpuyia ne mɔɔ lumua la abo yɛɛ ngɛlɛlera mɔɔ wɔ nu la ko anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia mɔɔ doa zo la anwo.

Ɛzinzalɛ Arane June 1

“Ɛvolɛ biala sigalɛtenlonlɛ ku menli kɛyɛ 6,000,000. Ɛnea a debie wɔ ɛkɛ mɔɔ bɛyɛ a ewulenzane ɛhye azo bɛade ɔ? [Maa ɔbua.] Bɛboa menli dɔɔnwo bɛmaa bɛgyakyi sigalɛtenlonlɛ anzɛɛ bɛkpo ye bɔkɔɔ ɔlua kɛzi Nyamenle bu sigalɛtenlonlɛ mɔɔ bɛzuzule nwolɛ la ati. Kɛ neazo la, Baebolo ngyehyɛnu ɛhye ɛmaa bie mɔ ɛdwenle kɛzi sigalɛtenlonlɛ gyegye awie mɔ la anwo. [Kenga 1 Kɔlentema 10:24.] Magazine ɛhye kilehile kɛzi awie suzu Nyamenle adwenle mɔɔ ɔlɛ ye wɔ sigalɛtenlonlɛ nwo a ɔkola ɔmaa ɔgyakyi la anu.”

Awake! June

“Intanɛte zo gyimalilɛ ɛmaa menli ɛnyia agɔnwolɛ dɔɔnwo ɛdɛla mekɛ biala. Subane kpalɛ boni a ɔwɔ kɛ bɛnwu ye wɔ agɔnwolɛ kpalɛ nwo a? [Maa ɔbua.] Agɔnwolɛ nwo folɛdulɛ kpalɛ mɔɔ wɔ Baebolo ne anu la a wɔ ɛke la. [Kenga Gyemise 1:19.] Magazine ɛhye kile ngyinlazo nna mɔɔ kola boa yɛ maa yɛyɛ menli mɔɔ awie mɔ bahulo kɛ bɛbava yɛ agɔnwolɛ la.”