Yɛbazukoa Mɔɔ Fa Abusua Anyelielɛ Ba La Wɔ Dapɛne Mɔɔ Bɔ Ɔ Bo January 6
1. Dapɛne ne mɔɔ bɔ ɔ bo January 6 mɔɔ kɔ la, adenle boni a yɛbanyia yɛamaa yɛ abusua ɛbɛlabɔlɛ ayɛ anyelielɛ a?
1 Ɛ nye balie kɛ ɛbanwu kɛ ɔvi dapɛne ne mɔɔ bɔ ɔ bo January 6 mɔɔ kɔ la, yɛbazukoa buluku ne mɔɔ se Mɔɔ Fa Abusua Anyelielɛ Ba La wɔ Asafo Baebolo Ɛzukoalɛ bo. Awie biala ɛngulo kɛ abusua ɛbɛlabɔlɛ nwo Ngɛlɛlera adehilelɛ kpalɛ ɛzukoalɛ kpa ɔ ti. Debiezukoalɛ ngyehyɛleɛ ne bamaa yɛanyia adenle yɛanleɛnlea buluku ne ɛdendɛkpunli ko biala anu kpalɛ.
2, 3. Kɛzi yɛbazukoa Mɔɔ Fa Abusua Anyelielɛ Ba La ɛ?
2 Kɛzi Yɛbazukoa Ye La: Bɛbahyɛ tile biala anu bayɛ ye foa nwiɔ, nsa anzɛɛ nna. Ɛhye ati, yɛbanyia mekɛ dɔɔnwo yɛagenga ngɛlɛlera mɔɔ hyia mɔɔ wɔ nu la na eza yɛazuzu ngɛlɛlera kɔsɔɔti mɔɔ bɛha nuhua edwɛkɛ wɔ ɛdendɛkpunli biala anu la anwo kpalɛ. Bɛlɛmaa yɛ kɔsɔɔti anwosesebɛ kɛ yɛhile kɛzi yɛbahola yɛava edwɛkɛ ne yɛali gyima kpalɛ dapɛne biala la.
3 Debiezukoalɛ ne anwo debie mɔɔ hyia la a le edwɛkɛ mɔɔ wɔ ngilehilelɛ ɛlɛka ne anu mɔɔ yɛsukoa tile ko biala yɛwie a yɛbazuzu nwolɛ la. Ɛhye ati, ɔwɔ kɛ yɛnyia mekɛ yɛfa yɛsuzu kpuyia ne mɔ nee ngɛlɛlera mɔɔ wɔ ɛlɛka ne anu la anwo.
4. Saa yɛlɛsukoa buluku ne a, duzu a ɔwɔ kɛ yɛyɛ a, na kɛmɔti ɛ?
4 Saa wɔzukoa buluku ɛhye bɔbɔ a, dumua siezie ɛ nwo kpalɛ. Maa mualɛ ne bie, ɛhye bamaa wɔaye Gyihova ayɛlɛ, ɔbaboa wɔ yeamaa wɔahakye edwɛkɛ ne, na yeaboa tievolɛma mɔɔ ɛha la.—Edw. 35:18; Hib. 10:24, 25.