Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ January

“Menli dɔɔnwo lɛ Nyamenle anwo adwenle ngakyile. Bie mɔ bu Nyamenle kɛ tumi bie mɔɔ vea. Bie mɔ noko bu ye kɛ ɔle anwuma Selɛ mɔɔ lɛ ɛlɔlɛ a. Ɛnea a kɛzi Nyamenle de ɛ?” Maa ɔbua. Fa January 1 Ɛzinzalɛ Arane ne anzi kile ye, na bɛbɔ nu bɛzukoa edwɛkɛ mɔɔ lumua mɔɔ wɔ kpuyia mɔɔ lumua la abo yɛɛ ngɛlɛlera mɔɔ wɔ nu la ko anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia bieko mɔɔ doa zo la anwo.

Ɛzinzalɛ Arane January 1

“Yɛra ɛke kɛ yɛbaha debie mɔɔ gyegye yɛ kɔsɔɔti la anwo edwɛkɛ​—kulovolɛ bie ewule. Ɛ nee me bayɛ adwenle kɛ agɔnwolɛ kpalɛ anzɛɛ busuanli bie ewule yɛ se kɛ yɛbagyinla ɔ nloa ɔ? [Maa ɔbua.] Menli dɔɔnwo ɛnwu kɛ Baebolo edwɛkɛ ɛhye kyekye bɛ rɛle. [Kenga Ayezaya 25:8.] Magazine ɛhye ka Baebolo ne anu ɛwɔkɛ mɔɔ maa anwosesebɛ kɛ ewule bara awieleɛ na bɛadwazo yɛ kulovolɛma bara ngoane nu bieko la anwo edwɛkɛ.”

Awake! January

“Ɛdie ɛdi kɛ mbusua yia ngyegyelɛ dɔɔnwo ɛnɛ ɔ? [Maa ɔbua.] Baebolo mrɛlɛbulɛ ɛhye maa yɛnwu debie mɔɔ ɔwɔ kɛ mbusua nyia na bakyekye bɛ awuke ne kpalɛ la. [Kenga Mrɛlɛbulɛ 24:3.] Menli dɔɔnwo ɛnwu kɛ nrɛlɛbɛ edwɛkɛ kpalɛ wɔ Baebolo ne anu. Magazine ɛhye ka Intanɛte gyimalilɛleka ngakyile bie mɔɔ gyi Baebolo ne azo, mɔɔ mbuluku dɔɔnwo mɔɔ bɛndua nwolɛ ɛhwee mɔɔ baboa mbusua wɔ ɛkɛ la anwo edwɛkɛ.”