Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ August

“Asɛɛ awie biala yɛ asɔne wɔ mekɛ bie anu. Menli bɔbɔ mɔɔ ɛnlie Nyamenle ɛnli la ɛyɛ asɔne wɔ ngyegyelɛ mekɛ nu. Ɛdwenle kɛ Nyamenle tie asɔneyɛlɛ kɔsɔɔti ɔ?” Maa ɔbua. Fa August 1 Ɛzinzalɛ Arane ne anzi kile ye, na bɛzuzu edwɛkɛ mɔɔ wɔ kpuyia mɔɔ lumua la abo nee ngɛlɛlera mɔɔ wɔ nu la ko anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia mɔɔ doa zo la anwo.

Bɛyɛ ye nzonlɛ: Ɔwɔ kɛ bɛfa edwɛkɛ ɛhye bɛyɛ yɛkile wɔ daselɛlilɛ nyianu mɔɔ bɛbayɛ ye wɔ August 3 la anu.

Ɛzinzalɛ Arane August 1

“Yɛva mekɛ ekyi yɛrakpɔla wɔ ɔluakɛ kɛzi nlanwonvoninli ɛbu zo la gyegye menli dɔɔnwo. Noko akee, menli dɔɔnwo te nganeɛ kɛ nlanwonvoninli ɛmboda. Kɛzi ɛdwenle nwo ɛ? [Maa ɔbua.] Gyisɛse hanle kɛ yɛbahola yɛalua ma mɔɔ debie so la azo yɛanlea kɛ ɔle kpalɛ a. [Kenga Mateyu 7:17.] Magazine ɛhye suzu ma mɔɔ nlanwonvoninli so la anwo. Ɔmaa yɛnwu ninyɛne kpalɛ mɔɔ yɛyɛ a yɛbahola yɛanriandi nlanwonvoninli la.”

Awake! August

“Yɛ nuhua dɔɔnwo kulo kɛ yɛtɛnla aze mekɛ tendenle. Ɛdwenle kɛ anyuhɔlɛ mɔɔ bɛnyia wɔ ayileyɛlɛ nu la bamaa yɛahola yɛadɛnla aze dahuu kenlebie? [Maa ɔbua.] Tie ɛwɔkɛ ɛhye mɔɔ yɛ anyelielɛ la. [Kenga 1 Kɔlentema 15:26.] Noko kɛzi Nyamenle bayɛ ɛhye ɛ—ɔbalua abɔdeɛ nwo nrɛlɛbɛ anzɛɛ adenle gyɛne zo? Na duzu ati a yɛnyi na yɛwu a? Magazine ɛhye kile kɛzi Baebolo ne bua kpuyia ɛhye mɔ la.”