Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ April

“Yɛlɛka yɛahile yɛ gɔnwo mɔ kɛ bɛgenga bɛ Baebolo ne. Noko menli dɔɔnwo te nganeɛ kɛ ɔyɛ se kɛ bɛbade Baebolo ne abo. Wɔnwu kɛ ɔle zɔ ɔ? [Maa ɔbua.] Tie edwɛkɛ mɔɔ wɔ ɛke la.” Fa April 1 Ɛzinzalɛ Arane ne anzi kile ye na bɛzuzu edwɛkɛ mɔɔ wɔ kpuyia mɔɔ lumua la abo yɛɛ ngɛlɛlera ko mɔɔ wɔ nu la. Fa magazine ne maa ye, na yɛ ngyehyɛleɛ sia kɔ na bɛzuzu kpuyia bieko mɔɔ doa zo la anwo.

Ɛzinzalɛ Arane April 1

“Awie biala mɔɔ yɛ nee ye ɛdendɛ la gyi ngyegyelɛ bie anloa. Ɛhye ɛmmaa bie mɔ ɛnnwu mɔɔ asetɛnla kile la. Ɛnea a duzu a le ngyegyelɛ kpole mɔɔ ɔmmaa yɛnyia anyelielɛ ɛnɛ a? [Maa ɔbua.] Baebolo ne bɔ ɛwɔkɛ kɛ ɔnrɛhyɛ Nyamenle baye ngyegyelɛ mɔɔ yɛyia bɛ ɛnɛ la avi ɛkɛ. [Kenga Yekile 21:4.] Magazine ɛhye ka yɛ kenlebie anyelazo nee kɛzi yɛbahola yɛanyia asetɛnla kpalɛ kɛkala bɔbɔ la anwo edwɛkɛ.”

Awake! April

“Sua nu basabasayɛlɛ ɛbu zo. Bie mɔ ka kɛ ninyɛne mɔɔ fa ɛhye ba la bie a le awie amaamuo, abusua mɔɔ ɔvi nu, nee anyelielɛdeɛ mɔɔ basabasayɛlɛ wɔ nu la. Ɛnea a debie titile boni a maa basabasayɛlɛ kɔ zo wɔ sua bie anu a? [Maa ɔbua.] Baebolo ne kile kɛzi ɔwɔ kɛ kunli nee ɔ ye tɛnla la. [Kenga Ɛfɛsɛsema 5:33.] Magazine ɛhye ka kɛzi agyalɛma bie mɔ ɛva Baebolo ngyinlazo ɛbɔ bɛ ɛbɛla na yebɔ bɛ agyalɛ ne anwo bane la anwo edwɛkɛ.”