Nolobɔlɛ

◼ Buluku mɔɔ yɛbava yɛamaa wɔ July: Bɛva brohyua biala mɔɔ le mukelɛ 32 mɔɔ baboa wɔ azɛlɛsinli ne anu la bɛmaa. Saa bɛlɛyɛ sia kɔkpɔla a, bɛva Baebolo ne kilehile buluku ne anzɛɛ kɛmɔ ahenle ngyianlɛ ne de la, bɛva Tie Nyamenle anzɛɛ Tie Nyamenle Na Nyia Dahuu Ngoane brohyua ne ko bɛmaa, na bɛbɔ mɔdenle bɛva bɛbɔ Baebolo ɛzukoalɛ bo. August: Bɛva brohyua biala mɔɔ le mukelɛ 32 mɔɔ baboa wɔ azɛlɛsinli ne anu la bɛmaa. September nee October: Ɛzinzalɛ Arane nee Awake! magazine. Saa bɛlɛyɛ sia kɔkpɔla a, bɛva Baebolo ne kilehile buluku ne anzɛɛ saa ɔkɛyɛ boɛ a, bɛva Tie Nyamenle anzɛɛ Tie Nyamenle Na Nyia Dahuu Ngoane brohyua ne ko bɛmaa, na bɛbɔ mɔdenle bɛva bɛbɔ Baebolo ɛzukoalɛ bo.

◼ Bɛlɛfa Sing to Jehovah—Vocal Renditions Disc 5 bɛado jw.org Intanɛte ɛleka ne mɔɔ bɛ sa bahola aha ye wɔ August 1. Bɛbalumua bɛava bɛado ɛkɛ wɔ Nrelenza nu, na ɔ nzi mekɛ bie anu bɛava aneɛ gyɛne bɛado ɛkɛ. Bɛbahola bɛalua asafo ne azo bɛahɛla CD ne mɔ mɔɔ bɛbɔ bɛtie la. Kɛmɔ bɛye ninyɛne ne mɔ wɔ Intanɛte ɛleka ne a kakɛ dɔɔnwo ɛnle nwolɛ kɛ yɛbayɛ ye disc na yɛava yɛanwa bɛ la ati, yɛlɛmaa bɛdabɛ mɔɔ bɛbahola ala anwosesebɛ kɛ bɛye bie wɔ ɛkɛ ne. Bɛlumua bɛva disc 1-4 bɛdo ɛkɛ.

◼ Yɛfa anyelielɛ yɛabɔ bɛ amaneɛ kɛ Neazo Eku ne ɛlie ɛdo nu kɛ ɔnrɛhyɛ bɛbayɛ Baebolo Sukulu ne mɔ wɔ Twi nee Nrelenza nu. Ɛhye kile kɛ mediema mrenya nee agyalɛma mɔɔ babiza Mediema Mrenya Mɔɔ Bɛtɛgyale Baebolo Sukulu nee Keleseɛne Agyalɛma Baebolo Sukulu ne anwo adenle la bahola ahile aneɛ mɔɔ bɛkulo kɛ bɛkɔ la, kɛ Nrelenza anzɛɛ Twi.