Nolobɔlɛ

◼ Buluku mɔɔ yɛbava yɛamaa wɔ June: Duzu A Baebolo ne Kilehile Amgba A? Bɛbɔ mɔdenle bɛva bɛbɔ Baebolo ɛzukoalɛ bo wɔ mekɛ mɔɔ lumua la anu. Saa suamenle ne mɔ lɛ buluku ne bie na bɛngulo kɛ bɛ nee bɛ yɛ Baebolo ɛzukoalɛ a, bɛva magazine dɛba anzɛɛ brohyua biala mɔɔ ahenle anye balie nwolɛ la bɛmaa. July nee August: Bɛva brohyua biala mɔɔ le mukelɛ 32 mɔɔ baboa wɔ azɛlɛsinli ne anu la bɛmaa. Saa bɛlɛyɛ sia kɔkpɔla a, bɛva Baebolo ne kilehile buluku ne, anzɛɛ kɛmɔ ahenle ngyianlɛ ne de la, bɛva Tie Nyamenle anzɛɛ Tie Nyamenle Na Nyia Dahuu Ngoane brohyua ne ko bɛmaa, na bɛbɔ mɔdenle bɛva bɛbɔ Baebolo ɛzukoalɛ bo. September: Ɛzinzalɛ Arane nee Awake! magazine. Saa bɛlɛyɛ sia kɔkpɔla a, bɛva Baebolo ne kilehile buluku ne, anzɛɛ saa ɔkɛyɛ boɛ a, bɛva Tie Nyamenle anzɛɛ Tie Nyamenle Na Nyia Dahuu Ngoane brohyua ne ko bɛmaa, na bɛbɔ mɔdenle bɛva bɛbɔ Baebolo ɛzukoalɛ bo.

◼ Saa bɛlɛsuzu Kpuyia Ɛleka ne anwo a, maa bɛyɛ ye nzonlɛ kɛ saa awie kulo kɛ ɔfa agyapadeɛ bie ɔmaa ahyehyɛdeɛ ne a, ɔhyia kɛ ɔkile mɛla adenle zo ahyehyɛdeɛ ne wienyi. Wɔ Ghana ɛke, yemɔ a le Watch Tower Bible and Tract Society of Ghana. Bieko, ɛleka mɔɔ bɛbakpa awie kɛ ɔnlea ɔhyehyɛ agyapadeɛ bie la, ɔwɔ kɛ bɛyɛ ngyehyɛleɛ wɔ wele ne azo mɔɔ bɛbava bɛadua kakɛ mɔɔ ɔbabɔ la.

◼ Saa bɛlɛyɛ magazine mɔɔ bɛbava bɛamaa la anwo yɛkile wɔ Ɛzonlenlɛ Nyianu ne anu anzɛɛ daselɛlilɛ nyianu ne abo a, ɔwɔ kɛ asafo ne mɔ fa magazine mɔɔ bɛlɛ bie wɔ bɛ aneɛ ne anu mɔɔ wɔ ɛkɛ la yɛ. Ɛhye bamaa mɔɔ bɛbayɛ la ayɛ kɛnlɛma na yeamaa bɛava mbuluku ngɛnlɛma ɛhye mɔ bɛali gyima.