Ɛzonlenlɛ Gyima Anyuhɔlɛ

Ɛvolɛ 2011 “Nyamenle Belemgbunlililɛ Ɛrɛla!” Maangyeba Nyianu ne rale awieleɛ wɔ January siane ne anu. Bɛyɛle nyianu 71 wɔ aneɛ ngɔnla anu wɔ maanle ye anu. Menli dodo mɔɔ hɔle bie la le 248,143, ɛhye le ɛkenle ɛvolɛ ne ɛdeɛ ne azo ɛya ko ngyɛnu 4 yɛɛ bɛzɔnenle menli 3,608.

Mediema mɔɔ hɔle nyianu ne bie wɔ Bolgatanga la anye liele kpole wɔ mekɛ mɔɔ bɛ sa hanle brohyua fofolɛ ne mɔɔ se Tie Nyamenle wɔ Frafra nu la. Brohyua ɛhye a le mɔɔ lumua mɔɔ yɛye wɔ Frafra nyianu boa a.