Nolobɔlɛ

◼ Buluku mɔɔ yɛbava yɛamaa wɔ February: Nolobɔlɛma bahola ava ɛhye mɔ ko amaa: Is There a Creator Who Cares About You?, The Secret of Family Happiness anzɛɛ The Bible—God’s Word or Man’s? March: Duzu A Baebolo Ne Kilehile Amgba A? Bɛbɔ mɔdenle bɛva bɛbɔ Baebolo ɛzukoalɛ bo wɔ mekɛ mɔɔ lumua la anu. April nee May: Ɛzinzalɛ Arane nee Awake! magazine. Ɛleka mɔɔ bɛkɛhile nwolɛ anyelielɛ la bɛva trate ne mɔɔ se, Ɛkulo kɛ Ɛnwu Nɔhalɛ ne Ɔ? la bɛmaa na bɛbɔ mɔdenle bɛva bɛbɔ Baebolo ɛzukoalɛ bo.

◼ Ɛdendɛlɛ titile ne mɔɔ bɛyɛ Ngakyelɛlilɛ ne bɛwie a bɛbamaa wɔ dapɛne ne awieleɛ la edwɛkɛtile ne se, “Asoo Yebikye Yedɛla Kɛzi Ɛnwu Ye La Ɔ?”

◼ Mekɛ biala mɔɔ wɔ ngyehyɛleɛ kile kɛ ɛbahɔ maanle mɔɔ bɛtɛkilele ɔ ngomekye wɔ ɛzonlenlɛ ɛvolɛ mgbondabulɛ fofolɛ ne anu anzɛɛ ye address ne ɛnle Yearbook fofolɛ ne mukelɛ mɔɔ li awieleɛ anu la, yɛsɛlɛ wɔ kɛ ɛ nee wɔ maanle ne anu ɔfese ne ɛli ngitanwo na nwu debie mɔɔ babɔ ɛ nwo bane nee adehilelɛ titile mɔɔ ɔwɔ kɛ ɛdi zo la. Ɔbahola yeara ye kɛ bɛva ɛsalɛ bɛdo Belemgbunlililɛ gyima ne azo wɔ ɛkɛ. (Mat. 10:16) Wɔ maanle bie mɔ anu, ɔnle kpalɛ kɛ nyɛvolɛ nee Alasevolɛ anzɛɛ asafo mɔɔ wɔ ɛkɛ la kɛli ngitanwo. Bɛbahola bɛamaa wɔ adehilelɛ gyɛne mɔɔ fane daselɛlilɛ, wɔ mekɛ mɔɔ ɛnle daselɛlilɛ nu nee mbuluku mɔɔ ɔwɔ kɛ ɛfa ɛkɔ la anwo. Ɛdi adehilelɛ ne azo a, ɔnrɛmaa ngyegyelɛ ɛnrɛra Belemgbunlililɛ gyima ne nee ɛ nwo zo.—1 Kɔl. 14:33, 40.