Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ January

“Menli bie mɔ die di kɛ Baebolo ne le ngapezo buluku mɔɔ le nɔhalɛ a. Bie mɔ noko te nganeɛ kɛ ngapezo mɔɔ nuhua ɛnla ɛkɛ mɔɔ bɛkola bɛkile ɔ bo wɔ ndenle ngakyile zo la a wɔ nu a. Kɛzi ɛdwenle nwo ɛ?” Maa ɔbua. Akee fa January 1 Watchtower ne maa suamenle na bɛbɔ nu bɛzuzu edwɛkɛ mɔɔ wɔ tile ekyi ne mɔɔ lumua wɔ mukelɛ 16 abo la anwo na bɛgenga nuhua ngɛlɛlera ko. Fa magazine ne maa ye, na yɛ ngyehyɛleɛ sia kɔ na bɛzuzu kpuyia mɔɔ doa zo la anwo.

The Watchtower January 1

“Yɛbahola yɛazukoa ninyɛne dɔɔnwo yɛavi mrenya nee mraalɛ mɔɔ liele duma wɔ tetedwɛkɛ nu la ɛkɛ. Ɛdie ɛto nu ɔ? [Maa ɔbua.] Ngyehyɛnu ɛhye ka nrenya ko, mɔɔ ɔdaye ala a bɛvɛlɛle ye ‘Nyamenle agɔnwo’ wɔ Baebolo ne anu la anwo edwɛkɛ. [Kenga Gyemise 2:23.] Magazine ɛhye kilehile deɛmɔti Nyamenle bule ye kɛ ɔle ɔ gɔnwo na ɔsuzu mɔɔ yɛbahola yɛazukoa yɛavi Ebileham neazo ne anu la anwo edwɛkɛ.”

Awake! January

“Belaebo, bɛsabowulalɛ nee ninyɛne ngakyile mɔɔ ɛngile nɔhalɛlilɛ la ɛlɛkɔ zo wɔ gualilɛ nu. Bie mɔ te nganeɛ kɛ adalɛbɔlɛ bie hyia amaa ninyɛne ahɔ zo boɛ. Kɛzi ɛdwenle nwo ɛ? [Maa ɔbua.] Tie edwɛkɛ ɛhye mɔɔ maa bɛdwenle la. [Kenga Mrɛlɛbulɛ 20:17.] Magazine ɛhye kilehile deɛmɔti ɔfɛta kɛ yɛdi nɔhalɛ la anu.”