Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo February 28, 2011 la anu. Sukulu zo neavolɛ ne bava mitini 20 ayɛ ndinu mɔɔ gyi January 3 kɔdwu February 28, 2011 dapɛne ne mɔ anu gyimalilɛ ne azo la.

1. Duzu gyima a Hɛzikaya yɛle wɔ ye Belemgbunlililɛ ne mɔlebɛbo a, na kɛ ɔkɛyɛ na yɛazukoa ye ɛnɛ ɛ? (2 Edk. 29:16-18) [w09-E 6/15 m. 9 ɛden. 13]

2. Kɛzi 2 Edwɛkɛsisilɛ 36:21 si zolɛ kɛ ngapezo mɔɔ wɔ Gyɛlɛmaya 25:8-11 la rale nu ɛ? [w06-E 11/15 m. 32 ɛden. 1-4]

3. Kɛzi Ɛzela 3:1-6 di boa Ngɛlɛlera ne anu daselɛ mɔɔ kile kɛ Gyɛlusalɛm ɛvolɛ 70 ɛzɛkyelɛ ne rale awieleɛ wɔ ye mekɛ nloa la ɛ? [w06-E 1/15 m. 19 ɛden. 2]

4. Duzu ati a ɛya hunle Ɛzela wɔ mekɛ mɔɔ ɔdele kɛ menli ne bie mɔ ɛgya azɛlɛ ne azo mraalɛ la ɛ? (Ɛzl. 9:1-3) [w06-E 1/15 m. 20 ɛden. 1]

5. Nwane mɔ a le “ezuavolɛ mgbanyima ne,” na bɛ subane boni a ɔwɔ kɛ yɛkoati a? (Nih. 3:5) [w06-E 2/1 m. 10 ɛden. 1; w86-E 2/15 m. 25]

6. Kɛzi Amɛnlado Nihɛmaya yɛle neazo kɛnlɛma manle Keleseɛne neavolɛma ɛ? (Nih. 5:14-19) [si-E m. 90 ɛden. 16]

7. Kɛ ɔkɛyɛ na yɛahoati kɛ yɛnrɛbu yɛ nye yɛnrɛgua “yɛ Nyamenle Sua ne azo,” kɛmɔ Yizilayɛma yɛle wɔ Nihɛmaya mekɛ zo la ɛ? (Nih. 10:32-39) [w98-E 10/15 m. 21-22 ɛden. 12]

8. Saa yɛsuzu Nihɛmaya ɛbɛlabɔlɛ nwo a kpuyia boni mɔ a ɔbamaa yɛabiza yɛ nwo a? (Nih. 13:31) [w96-E 9/15 m. 17 ɛden. 3]

9. Asoo Ɛseta nee Belemgbunli Ahazelɔse bɔle ɛbɛlatane? (Ɛst. 2:14-17) [w91-E 1/1 m. 31 ɛden. 6]

10. Kɛmɔti a Mɔdekae angoto Heeman ɛlɛ ɛ? (Ɛst. 3:2, 4) [it-2-E m. 431 ɛden. 7]