2011 Calendar Ne Si Abusua Ɛzonlenlɛ Zo

Ɛvolɛ 2011 Calendar of Jehovah’s Witnesses edwɛkɛtile ne a le Abusua Ɛzonlenlɛ. Kalenda ne ka ɛnɛ mekɛ ye nee Baebolo mekɛ zo mbusua nwo edwɛkɛ. Eza ɔmaa yɛnwu Gyihova azonvolɛ mɔɔ bɛle agyalɛma nee bɛdabɛ mɔɔ bɛtɛgyale mɔɔ bɛlɛsukoa ye Edwɛkɛ ne la.

Baebolo ne anu menli mɔɔ wɔ kalenda ne azo la anye liele Gyihova mɛla nwo, na ɛhye boale bɛ manle bɛgyinlanle bɛ ngyegyelɛ mɔɔ bɛyiale la anloa. (Edw. 1:2, 3) Saa yɛ abusua ne le kpole anzɛɛ ekyi, nuhua menli kɔsɔɔti wɔ asafo ne anu anzɛɛ bie mɔ ɛnle nu a, nvoninli ko biala mɔɔ yɛbanlea la bamaa yɛahakye nvasoɛ mɔɔ wɔ Abusua Ɛzonlenlɛ zo la. Bɛgyakyi ɛleka wɔ kalenda ne azo bɛmaa wɔ kɛ ɛva ɛhɛlɛ kenle mɔɔ wɔ abusua ne fa yɛ Abusua Ɛzonlenlɛ ne la. Wɔhɛlɛ wɔdo ɛkɛ ɔ?