Mɔɔ Yɛbaha Ye Magazine Ne Anwo

The Watchtower November 1

“Asoo ɛsuzu kɛ anwumabɔvolɛma dwenle mɔɔ yɛyɛ la anwo ɔ? [Maa ɔbua.] Baebolo ne ka anyelielɛ edwɛkɛ ɛhye. [Kenga Luku 15:10.] Edwɛkɛ ɛhye suzu mɔɔ Gyisɛse hanle vanenle kɛzi sunsum nu abɔdeɛ nyɛleɛ kola ka yɛ la anwo.” Fa edwɛkɛ ne mɔɔ wɔ mukelɛ 16 la kile ye.

Awake! November

Kenga 2 Temɔte 3:16. Akee ka kɛ: “Asoo ɛdie ɛto nu kɛ yɛbahola yɛava yɛ nwo yɛado edwɛkɛ biala mɔɔ Baebolo ne ka la azo ɔ? [Maa ɔbua.] Edwɛkɛ ɛhye suzu kɛzi menli mɔɔ tudu azɛlɛ nwo nee ewiade tetedwɛkɛ nee mɔɔ Baebolo ne ka fane tete Yigyibiti anwo yɛ adwenle la.” Fa edwɛkɛ ne mɔɔ wɔ mukelɛ 15 la kile ye.

The Watchtower December 1

“Menli dɔɔnwo die di kɛ menli bie mɔɔ ze nrɛlɛbɛ la wɔ sunsum nu ɛleka ne na bɛkola bɛkile yɛ ɛbɛlabɔlɛ adenle. Kɛzi ɛdwenle nwo ɛ? [Maa ɔbua. Akee kenga Yekile 12:7-9.] Magazine ɛhye maa yɛnwu mɔɔ Baebolo ne ka ye wɔ menli mɔɔ wɔ sunsum nu ɛleka ne anwo, kɛzi bɛ nyɛleɛ ka yɛ yɛɛ saa yɛkola yɛ nee bɛ tendɛ a.”

Awake! December

“Asoo wɔzuzu deɛmɔti bɛdi Bolonyia wɔ December 25 wɔ mekɛ mɔɔ Baebolo ne ɛngile mekɛ mɔɔ bɛwole Gyisɛse la anwo ɔ? [Maa ɔbua.] Kɛmɔ ngyehyɛnu ɛhye kile la, bɛanwo Gyisɛse wɔ ɛyɛlɛ mekɛ nu. [Kenga Luku 2:8.] Magazine ɛhye maa yɛnwu ɛleka mɔɔ Bolonyia nwo amaamuo bie mɔ mɔɔ ɛlie duma vi la.”