The Bible—Its Power in Your Life

Baebolo ne ɛboa menli mgbe dɔɔnwo ɛmaa bɛhakyi bɛ ɛbɛlabɔlɛ bɛmaa yeyɛ kpalɛ. Baebolo nu ngyinlazo mɔɔ saa yɛfa yɛdi gyima a ɔbaboa yɛ yeamaa yɛahola yɛagyinla ɛnɛ ngyegyelɛ nloa la bie mɔ a le boni? Ɔda ali kɛ ɛ nye balie kɛ ɛkɛnwu kpuyia ɛhye mualɛ, ɔlua The Bible—Its Power in Your Life, mɔɔ le video nsa mɔɔ wɔ DVD ne mɔɔ se, The Bible—A Book of Fact and Prophecy, nuhua ne mɔɔ tɔ zo nwiɔ mɔɔ ɛbanlea la azo. Ɛnea video ɛhye ɛwie a, asoo ɛbahola wɔaye kpuyia ɛhye mɔ anloa?

(1) Duzu ati a Baebolo ne ɛnle buluku kɛnlɛma mɔɔ bɛhɛlɛ ala ɛ? (Hib. 4:12) (2) Saa Baebolo ne kola boa menli maa bɛ ɛbɛlabɔlɛ yɛ kpalɛ a, ɛnee kɛmɔti a alesama lɛ ngyegyelɛ dɔɔnwo ɛ? (3) Edwɛkɛtile mɔɔ Baebolo ne gyi zo la a le duzu? (4) Baebolo ne anu tɛkese boni mɔ a bɛhanle nwolɛ edwɛkɛ mɔɔ bahola aboa agyalɛma (a) yeamaa bɛahola bɛabɔ adawu kpalɛ, na (b) bɛahola bɛali bɛ ɛyavalɛ zo ɛ? (5) Kɛzi adenle mɔɔ Keleseɛnema dua zo bu agyalɛ la kola maa bɛ abusua ɛbɛlabɔlɛ yɛ kpalɛ ɛ? (Ɛfɛ. 5:28, 29) (6) Kɛzi Gyihova ɛyɛ neazo kɛnlɛma ɛmaa awovolɛ ɛ? (Mak. 1:9-11) (7) Kɛzi awovolɛ bahola amaa abusua debiezukoalɛ ayɛ anyelielɛ ɛ? (8) Yɛye Baebolo ɛzukoalɛ yɛsie ahane a, duzu bieko a Nyamenle Edwɛkɛ ne ka kile awovolɛ kɛ bɛyɛ bɛmaa bɛ mra a? (9) Kɛ ɔkɛyɛ na Baebolo ne anu folɛdulɛ ahola aboa mbusua yeamaa bɛahola bɛagyinla ezukoa nwo ngyegyelɛ nloa ɛ? (10) Baebolo ne anu ngyinlazo mɔɔ fane bɔkɔbɔkɔyɛlɛ, nyile ɛtane nee nza mɔɔ bɛno bɛbo yɛɛ adwenledwenle nwo la boni mɔ a yɛfa yɛdi gyima a yɛ kpɔkɛdelɛ nwo ngyegyelɛ baha aze a? (11) Baebolo ne anu ɛwɔkɛ boni mɔ a bamaa yɛahola gyinla ɛ? (Dwo. 33:25; Edw. 145:16) (12) Kɛzi ngilehilelɛ mɔɔ wɔ Nyamenle Edwɛkɛ ne anu la ɛboa wɔ ɛmaa wɔ ɛbɛlabɔlɛ ɛkpazi ɛ? (13) Kɛzi ɛbahola wɔava video ɛhye wɔaboa awie mɔ ɛ?