Nolobɔlɛ

◼ Buluku mɔɔ yɛbava yɛamaa wɔ June: Duzu A Baebolo ne Kilehile Amgba A? July nee August: Bɛva brohyua biala mɔɔ le mukelɛ 32 mɔɔ bɛlɛ bie la bɛmaa. September: Duzu A Baebolo ne Kilehile Amgba A?

◼ Bɛbazuzu video zo gyimalilɛ ne mɔɔ se The Bible—Its Power in Your Life yɛɛ The Bible—Accurate History, Reliable Prophecy la anwo wɔ Ɛzonlenlɛ Nyianu bo ɔvi September mɔɔ kɔ la. Saa bɛhyia bie a, bɛlua asafo ne azo bɛhɛla The Bible—A Book of Fact and Prophecy—On DVD mɔɔ gyimalilɛ ne mɔ wɔ zo la bie ndɛndɛ.

◼ Bɛnrɛva maangyeba nyianu mɔɔ bɛbayɛ ye wɔ ɛvolɛ ne anu la anwo ngyehyɛleɛ ne bɛnrɛwula Yɛ Belemgbunlililɛ Gyima ne anu bieko. Bɛbava ngyehyɛleɛ ne ko bɛabɔ Belemgbunlililɛ Asalo nolobɔlɛ ɛleka ne amaa bɛanlea nu. Bɛbahola noko bɛanwu ɛleka mɔɔ bɛbayɛ nyianu wɔ Ghana nee maanle ngakyile zo la wɔ www.jw.org Intanɛte address ɛleka ne.