Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo April 26, 2010 la anu. Sukulu zo neavolɛ ne bava mitini 20 ayɛ ndinu mɔɔ gyi March 1 kɔdwu April 26, 2010 dapɛne ne mɔ anu gyimalilɛ ne azo la.

1. Duzu a ɛnee Nawome ɛlɛkile wɔ mekɛ mɔɔ ɔhanle kɛ ‘Gyihova ɛbɛlɛ me aze na Nyamenle Tumivolɛ ne asa ɛyɛ ɛnlomboɛ wɔ me nwo zo la ɛ’? (Wul. 1:21) [w05-E 3/1 m. 27 ɛden. 1]

2. Ninyɛne boni mɔ a manle Wulutu yɛle “raalɛ mɔɔ lɛ subane a”? (Wul. 3:11) [w05-E 3/1 m. 28 ɛden. 6]

3. Kɛzi Ɛlekana edwɛkɛ ne mɔɔ se “me nwo ɛnlɛ nvasoɛ ɛmmaa wɔ ɛndɛla mralɛ mrenya bulu ɔ” la manle ɔ ye anwosesebɛ ɛ? (1 Sam. 1:8) [w90-E 3/15 m. 27 ɛden. 5-6]

4. Duzu ati a ɛnee ɔnle kpalɛ kɛ Yizilayɛma kɛbiza belemgbunli ɛ? (1 Sam. 8:5) [w05-E 9/15 m. 20 ɛden. 17; it-2-E m. 163 ɛden. 1]

5. Mekɛ mɔɔ Samoɛle yɛle ‘kpanyinli na ɔ ti zo yɛle nwohyee’ la, kɛzi ɔyɛle neazo kɛnlɛma wɔ nzɛlɛlɛ mɔɔ bɛyɛ bɛmaa awie mɔ la anu ɛ, na duzu a ɛhye si zo a? (1 Sam. 12:2, 23) [w07-E 6/1 m. 29 ɛden. 14-15]

6. Kɛmɔti a Sɔɔlo nee Kinama ne lile ye kɛnlɛma ɛ? (1 Sam. 15:6) [w05-E 3/15 m. 22 ɛden. 10]

7. Duzu a manle Sɔɔlo bizale Devidi kɛ, “Kpavolɛ, ɛ ze a le nwane?” (1 Sam. 17:58) [w07-E 8/1 m. 31 ɛden. 3, 5]

8. Duzu a yɛsukoa yɛfi ngyegyelɛ kpole bie mɔɔ Devidi lile nwolɛ gyima wɔ Gate la anu a? (1 Sam. 21:12, 13) [w05-E 3/15 m. 24 ɛden. 4]

9. Kɛzi Dwɔnatan ɛlɔlɛ nee mɛlɛbɛnwoaze lale ali wɔ mekɛ mɔɔ ɛnee ɔhyia kɛ ɔboa na ɔmaa ɔ gɔnwo Devidi anwosesebɛ la ɛ? (1 Sam. 23:17) [lv m. 28 ɛden. 10, ɔ bo ɛkɛ ne edwɛkɛ]

10. Duzu a yɛsukoa yɛfi Ɛndɔ kɔmenle raalɛ ne mɔɔ Sɔɔlo hɔle ye ɛkɛ ne la anu a? (1 Sam. 28:8-19) [w05-E 3/15 m. 24 ɛden. 7]