Nolobɔlɛ

◼ Buluku mɔɔ yɛbava yɛamaa wɔ June: Bɛva Duzu A Baebolo ne Kilehile Amgba A? bɛmaa. Saa suamenle ne mɔ lɛ buluku ne bie a, nolobɔlɛma bahola ava buluku biala mɔɔ le mukelɛ 192 mɔɔ bɛyɛle kolaa na 1992 la amaa. July nee August: Bɛva brohyua biala mɔɔ le mukelɛ 32 mɔɔ bɛlɛ bie wɔ ɛkɛ la bɛmaa. September: Bɛva Duzu A Baebolo ne Kilehile Amgba A? bɛmaa.

◼ Saa wɔ ngyehyɛleɛ mɔɔ wɔyɛ kɛ ɛtu adenle la kile kɛ ɛbahɔ maanle mɔɔ bɛtɛkilele ɔ ngomekye wɔ ɛzonlenlɛ ɛvolɛ mgbondabulɛ fofolɛ ne anu anzɛɛ ye address ne ɛnle Yearbook fofolɛ ne mukelɛ mɔɔ li awieleɛ la anu a, yɛsɛlɛ wɔ kɛ ɛ nee wɔ ɔfese ne ɛli ngitanwo na nwu debie mɔɔ babɔ ɛ nwo bane nee adehilelɛ titile mɔɔ ɔwɔ kɛ ɛdi zo la. Ɔbahola yeara ye kɛ bɛva ɛsalɛ bɛdo Belemgbunlililɛ gyima ne azo wɔ ɛkɛ. (Mat. 10:16) Wɔ maanle bie mɔ anu, ɔnle kpalɛ kɛ nyɛvolɛ nee Alasevolɛ anzɛɛ asafo mɔɔ wɔ ɛkɛ la kɛli ngitanwo. Bɛbahola bɛamaa wɔ adehilelɛ gyɛne mɔɔ fane mgbemgbɛnenu daselɛlilɛ nee mbuluku mɔɔ ɔwɔ kɛ ɛfa ɛkɔ la anwo. Ɛdi adehilelɛ ne azo a ɔnrɛmaa ngyegyelɛ ɛnrɛra Belemgbunlililɛ gyima ne nee ɛ nwo zo.—1 Kɔl. 14:33, 40.