Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo wɔ February 23, 2009 la anu. Sukulu zo neavolɛ ne bava mitini 20 ayɛ ndinu mɔɔ gyi January 5 kɔdwu February  23, 2009 dapɛne ne mɔ anu gyimalilɛ ne azo la.

1. Saa Nyamenle anyɛ anwuma ahɛnlaneɛ toonwo kenle mɔɔ tɔ zo nna la a, kɛzi ɔholale ɔmanle wienyi rale kenle mɔɔ lumua la anu ɛ? (Mɔl. 1:3, 16) [w04 1/1 m. 28 ɛden. 5]

2. Duzu ati a Gyihova anga angile Nowa kɛ ɔzie azɛlɛ ne kɛmɔ ɔhanle ɔhilele Adam la ɛ? (Mɔl. 9:1) [it-2 m. 1095 ɛden. 6]

3. Kenle boni a Nyamenle nee Ebileham ngyekyeleɛ ne bɔle ɔ bo a, na ɔlile mekɛ tendenle nyɛ? (Mɔl. 12:1-4) [w04 1/15 m. 26 ɛden. 4; w01 8/15 m. 17 ɛden. 13]

4. Duzu a kile kɛ bodane mɔɔ Nemelɔdo nee menli mɔɔ li ɔ nzi vale ziele bɛ nye zo kɛ ‘bɛdie duma’ la yɛle mgbane ɛ? (Mɔl. 11:4) [w98 3/15 m. 25]

5. Kɛmɔ bɛha Lɔɔto anwo edwɛkɛ kɛ “sonlakpalɛ” wɔ 2 Pita 2:7 la, kɛmɔti a ɔvale ɔ mra mraalɛ ne mɔ ɔmanle menli kpamgbanvolɛma ne mɔ ɛ? (Mɔl. 19:8) [w05 2/1 m. 26 ɛden. 15-16; w04 1/15 m. 27 ɛden. 3]

6. Saa ɔwɔ kɛ kunlima mɔɔ sulo Nyamenle la nea bɛ mbusua a, kɛmɔti a Ebileham voanle Heega nee Yehyemeeyɛle kɛ bɛhɔ fienemgbole ne anu ɛ? (Mɔl. 21:10-21; 1 Tem. 5:8) [w88 2/15 m. 31]

7. Duzu a yɛsukoa yɛfi mɔdenle mɔɔ Ɛlieza bɔle kɛ ɔyɛ debie mɔɔ Gyihova kulo wɔ mekɛ mɔɔ ɛnee ɔlɛkpondɛ raalɛ yeamaa Ayezeke la anu a? (Mɔl. 24:14, 15, 17-19, 26, 27) [w97 1/1 m. 31 ɛden. 2]

8. Duzu a Gyekɔbo ɛlalɛ ne mɔɔ nuhua a ɔnwunle kɛ anwumabɔvolɛma ɛlɛdi ‘fodwu wɔ kpolike bie’ azo la kile a? (Mɔl. 28:10-13) [w03 10/15 m. 29 ɛden. 1; it-2 m. 189]

9. Duzu ati a Relahyɛle hulole kɛ ɔkɛlie Liya ara nrenya ne mandileki ne bie ɛ? (Mɔl. 30:14, 15) [w04 1/15 m. 28 ɛden. 7]

10. Adenle boni azo a Gyekɔbo yɛle kɛzi bɛsiezie menli avinli la anwo neazo kɛnlɛma ɛ? (Mɔl. 33:3, 4) [g82 2/22 m. 19 ɛden. 8-10]