Mɔɔ Yɛbaha ye Magazine ne Anwo

The Watchtower Sept. 1

“Saa ɔwɔ kɛ yɛsi kpɔkɛ mɔɔ hyia la a, nienwu a yɛbahola yɛanyia folɛdulɛ kpalɛ yɛavi a? [Maa ɔbua. Kenga Mrɛlɛbulɛ 3:5, 6.] Edwɛkɛ ɛhye si kɛzi ɔhyia kɛ yɛfa Nyamenle adwenle yɛsuzu mɔɔ bahola avi kpɔkɛ mɔɔ yɛbazi anu ara la azo.” Twe ye adwenle kɔ edwɛkɛ ne mɔɔ wɔ mukelɛ 8 la azo.

Awake! Sept.

“Ɛdwenle kɛ Nyamenle kulo kɛ ɛhɔne mɔɔ ɛlɛkɔ zo wɔ azɛlɛ ye azo ɛnɛ la ku alesama ɔ? [Maa ɔbua.] Nea kpɔkɛ mɔɔ yebɔ kɛ ɔbali ngyegyelɛ ɛhye anwo gyima la. [Kenga Edwɛndolɛ 72:16.] Edwɛkɛ ɛhye kilehile kɛzi Nyamenle bamaa azɛlɛ ye ayɛ Paladaese bieko la anu.” Fa edwɛkɛ ne mɔɔ wɔ mukelɛ 7 la kile ye.

The Watchtower Oct. 1

“Wɔ mekɛ ɛtane ɛhye anu, menli dɔɔnwo ɛlɛdwenle mɔɔ bazi kenlebie la anwo. Duzu a ɛboa wɔ ɛmaa wɔnyia kenlebie anwo adwenle kpalɛ a? [Maa ɔbua.] Tie Baebolo ne anu ɛwɔkɛ ɛhye. [Kenga Ayezaya 65:17.] Magazine ɛhye maa yɛnyia ndelebɛbo kpalɛ mɔɔ ɔti yɛbahola yɛanyia kenlebie anwo adwenle kpalɛ la.”

Awake! Oct.

“Intanɛte le debie mɔɔ nvasoɛ wɔ zo, noko esiane titile wɔ nu maa ngakula. Kɛzi ɛdwenle kɛ yɛbahola yɛabɔ bɛ nwo bane ɛ? [Maa ɔbua.] Tie edwɛkɛ ɛhye. [Kenga na kilehile Mrɛlɛbulɛ 18:1 anu.] Edwɛkɛ ɛhye le Baebolo nu ngyinlazo nsia mɔɔ bɛhilehile nu wɔ ɛke kɛ bɛfa bɛaboa awovolɛ bɛamaa bɛabɔ bɛ mra nwo bane la anu ko.” Fa edwɛkɛ ne mɔɔ wɔ mukelɛ 8 la kile ye.