Yɛbazukoa Family Happiness Buluku Ne
1 Bɛ nye balie kɛ bɛkɛde kɛ ɔvi August 4, 2008, dapɛne ne anu toonwo kɔdwu March 16, 2009 la, yɛbazukoa The Secret of Family Happiness buluku ne wɔ Asafo Buluku Ɛzukoalɛ bo. Yɛ nuhua ko biala ɛngulo kɛ ekpunli debiezukoalɛ ɛhye mɔɔ bamaa yɛanyia Ngɛlɛlera ne anu adehilelɛ kpalɛ mɔɔ maa abusua ɛbɛlabɔlɛ yɛ anyelielɛ la kɛkpa ɔ ti. Debiezukoalɛ ne anwo ngyehyɛleɛ ne bamaa yɛanyia adenle yɛanleɛnlea ɛdendɛkpunli nee Baebolo tɛkese ko biala anu yɛahɔ moa.
2 Wɔ dapɛne ne mɔɔ lumua la anu, yɛbazuzu tile ko ne mɔɔ lumua la amuala anwo, ɔluakɛ ngɛlɛlera ekyi bie mɔɔ bɛanga nuhua edwɛkɛ la a wɔ nu a. Zɔhane ala a yɛbazukoa tile 15 ne amuala a. Noko akee, bɛbahyɛ tile ngakyile mɔɔ ɛha la anu bɛayɛ ye foa nwiɔ anzɛɛ nsa, na bɛazukoa foa ko biala wɔ dapɛne ko anu. Ɛhye ati, yɛbanyia mekɛ dɔɔnwo yɛagenga na yɛazuzu ngɛlɛlera mɔɔ wɔ nuhua la kɔsɔɔti nee mɔɔ bɛha nuhua edwɛkɛ wɔ ɛdendɛkpunli biala anu la anwo boɛ. Bɛlɛmaa mediema kɔsɔɔti anwosesebɛ kɛ bɛva edwɛkɛ ne bɛli gyima dapɛne biala.
3 Debie mɔɔ hyia mɔɔ yɛbazukoa la a le edwɛkɛ mɔɔ wɔ ngilehilelɛ ɛlɛka ne anu mɔɔ wɔ tile ko biala awieleɛ mɔɔ yɛbazuzu nwolɛ la. Ɛhye ati, ɔwɔ kɛ yɛnyia mekɛ dɔɔnwo yɛsuzu kpuyia nee ngɛlɛlera ne mɔ mɔɔ wɔ ɛlɛka ne anu la anwo.
4 Bɛlɛmaa Buluku Ɛzukoalɛ zo neavolɛma anwosesebɛ kɛ bɛziezie bɛ nwo boɛ bɛmaa buluku ɛzukoalɛ ne, na bɛmaa menli mɔɔ wɔ bɛ ekpunli ne anu kɔsɔɔti mɔɔ bɛdabɛ mɔɔ bɛle fofolɛ la boka nwo la anwosesebɛ kɛ bɛziezie bɛ nwo kpalɛ, bɛrɛla dahuu, na bɛmaa mualɛ.—od 69-71.