Nyamenle Belemgbunlililɛ Ne Anwo Nɔhalɛ Edwɛkɛ
Gyisɛse hilele ye ɛdoavolɛma kɛ bɛyɛ asɔne kɛ: “Yɛ Ze mɔɔ wɔ anwuma, wɔ duma nwo ɛde. Wɔ Belemgbunlililɛ ɛrɛla. Wɔ ɛhulolɛdeɛ ɛyɛ ɛkɛ wɔ azɛlɛ ye azo kɛ anwuma la.” (Mateyu 6:9, 10) Duzu a le Nyamenle Belemgbunlililɛ ne? Duzu a ɔyɛ a? Duzu ati a ɔwɔ kɛ yɛyɛ nwolɛ asɔne a?
Gyisɛse le Nyamenle Belemgbunlililɛ ne azo Belemgbunli.
Luku 1:31-33: “Na ɛbado ye duma Gyisɛse. Ɔbayɛ kpole na bɛbavɛlɛ ye Anwuma Anwumanli ne Ara, na Gyihova Nyamenle bava ɔ ze Devidi belemgbunli ebia ne amaa ye na ɔbali Belemgbunli wɔ Gyekɔbo sua nu dahuu, na ye Belemgbunlililɛ ɛnrɛra awieleɛ.”
Nyamenle Belemgbunlililɛ ne a le Gyisɛse edwɛkɛtile titili mɔɔ ɔbɔle ye nolo a.
Mateyu 9:35: “Na Gyisɛse hɔkpɔsale azuamgbole nee namunamu ne mɔ amuala azo, ɔhilehilele wɔ bɛ nyianu azua ne mɔ anu na ɔbɔle Belemgbunlililɛ ne anwo edwɛkpa ne nolo na ɔyɛle anwodolɛ nee ewule ngakyile ayile.”
Gyisɛse maanle ye ɛdoavolɛma ne sɛkɛlɛneɛ mɔɔ bamaa banwu mekɛ mɔɔ Belemgbunlililɛ ne bara la.
Mateyu 24:7: “Na maanle badwazo atia maanle yɛɛ belemgbunlililɛ badwazo atia belemgbunlililɛ, na ɛhɔne nee azɛlɛkpusulɛ bara ɛleka ngakyile.”
Ɛnɛ Gyisɛse ɛdoavolɛma ne bɔ Belemgbunlililɛ ne nolo wɔ azɛlɛ ye azo amuala.
Mateyu 24:14: “Na bɛbabɔ Belemgbunlililɛ ne anwo edwɛkpa ɛhye nolo wɔ azɛlɛ ye azo amuala bɛava bɛali maanle maanle ne amuala daselɛ, kolaa na awieleɛ ne ara.”