Ngyegyelɛ Mɔɔ Nee Anyelazo Lua
“Awieleɛ mekɛ ne anu, anwongyelelɛ dɔɔnwo bara.”—2 TEMƆTE 3:1.
WƆNWU anzɛɛ wɔde edwɛkɛ zɛhae mɔ mɔɔ yɛ alɔbɔlɛ la bie ɛlɛ ɔ?
● Ewulenzane bie ɛhu menli dɔɔnwo.
● Ɛhɔne ɛmaa menli ɛya ɛya ɛyɛ avunli.
● Azɛlɛkpusulɛ ɛhu menli apenle apenle na menli dɔɔnwo awuke ɛbɔ bɛ.
Wɔ mukelɛ ne mɔɔ doɔdoa zo la anu, ɛbanwu ninyɛne ɛhye mɔ bie anwo edwɛkɛ mɔɔ maa sonla dwenle la. Eza noko ɛbanwu kɛ Baebolo ne hanle dole ɛkɛ ne kɛ ninyɛne ɛhye mɔ basisi wɔ mekɛ ne mɔɔ bɛfɛlɛ ye “awieleɛ mekɛ” la anu.a
Tɛ edwɛkɛ ɛhye mɔ bodane a le kɛ bɛmaa wɔanwu kɛ yɛde ewiade mɔɔ ngyegyelɛ wɔ nu la anu. Bie a ɛdawɔ mumua ne ɛnwu ngyegyelɛ ɛhye mɔ bie. Emomu, bɛbamaa wɔanyia anyelazo. Bɛbamaa wɔanwu kɛ ngapezo nsia ne mɔɔ ɛlɛba nu la kile kɛ ɔnrɛhyɛ “awieleɛ mekɛ ne” bara awieleɛ. Eza bɛbaha adwenle mɔɔ bie mɔ lɛ la anwo edwɛkɛ na yeamaa wɔanwu deɛmɔti ɔwɔ kɛ ɛdie ɛdi kɛ asetɛnla kpalɛ la yɛ nyunlu la.
[Ɔ bo ɛkɛ ne edwɛkɛ]
a Saa ɛkpondɛ kɛ ɛnwu deɛmɔti Nyamenle maa ninyɛndane ɛhye mɔ anwo adenle la a, nea edwɛkɛ ne mɔɔ se “Duzu Ati A Nyamenle Ɛmaa Ɛtaneyɛlɛ Nwo Adenle A?” mɔɔ wɔ mukelɛ 12 nee 13 la.