Gyisɛse ‘Baye Ewiade Amra Ɛtane Ahɔ’

Dwɔn Sɔnevolɛ ne hanle kɛ Gyisɛse ‘baye ewiade amra ɛtane ahɔ.’ (Dwɔn 1:29) Ɛhye hwenle adwenle hɔle Gyisɛse gyima mɔɔ ɔbayɛ yealie alesama mɔɔ yɛ tieyɛ la azo.

Noko, duzu ati a ɛnee ɔwɔ kɛ Gyisɛse wu die ɛtanevolɛma ɛ?

Saa ɔfa ye ngoane ɔbɔ afɔle a, duzu a ɔbanyia a?

Nwane mɔ a bɛanyia ye ewule ne azo nvasoɛ a?

Duzu a ɔbahola yeayɛ yeamaa wɔ a?

Ɛvolɛ biala, Gyihova Alasevolɛ yia nu kakye Gyisɛse ewule ne. Ɛvolɛ ɛhye, ɔbazi Molɛ, April 17, mekɛ mɔɔ sɛnzɛne ne ɛhɔdɔ la.

Gyihova Alasevolɛ lɛ anyelielɛ ɛlɛto ɛsalɛ avɛlɛ wɔ kɛ ɛraboka bɛ nwo bɛzuzu mɔɔ Gyisɛse ewule ne kile la anwo. Bɛbazuzu kɛzi Baebolo ne bua kpuyia mɔɔ wɔ anwuma ɛkɛ la anwo.

Ɛbahola wɔahɔ bie wɔ ɛleka mɔɔ ɔbikye wɔ la. Yɛsɛlɛ wɔ biza Gyihova Alasevolɛ mɔɔ wɔ ɛleka mɔɔ ɛwɔ la maa bɛhile wɔ mekɛ fɔɔnwo nee ɛleka mɔɔ bɛbayɛ ye la.