Kɛzi ɛzukoalɛdeɛ ɛhye mɔ baboa wɔ kpalɛ la
Ɛ nee awie ɛzukoa: Maa ahenle mɔɔ vale buluku ɛhye maanle wɔ la nee wɔ ɛzukoa Baebolo ne, anzɛɛ ɛbahola wɔabiza Baebolo ɛzukoalɛ nwo adenle wɔ jw.org.
FOA MƆƆ LIMOA
Kenga ɛdendɛkpunli ko biala nee kpuya ne mɔ mɔɔ bɛyɛ bɛ mgbole (A) yɛɛ tɛkese ne mɔ (B) mɔɔ si edwɛkɛ titili ne mɔ azo la. Yɛ ye nzonlɛ kɛ bɛhɛlɛ tɛkese bie mɔ anwo “kenga.”
AVINLI NE
Edwɛkɛ ne mɔɔ limoa wɔ (D) wɔ Sukoa Dɔɔnwo abo la kilehile mɔɔ doa zo la anu. Edwɛkɛtile ngyikyi ne (Ɛ) buke edwɛkɛ titili ne mɔ anye. Kenga tɛkese ne mɔ, bua kpuya ne mɔ na nea vidio ne mɔ (E).
Nea nvoninli nee edwɛkɛ mɔɔ gua nwolɛ la kpalɛ (F), na dwenle kɛzi ɛbabua kpuya mɔɔ wɔ Bie Mɔ Ka Kɛ (G) abo la anwo.
FOA MƆƆ LI AWIELEƐ
Edwɛkɛ Titili nee Ndinu (H) wɔ ɛzukoalɛdeɛ ne awieleɛ. Kɛlɛ kenle mɔɔ bɛwiele ɛzukoalɛdeɛ ne la. Bodane (I) kile wɔ debie mɔɔ ɔwɔ kɛ ɛyɛ nwolɛ gyima la. Kpondɛ Dɔɔnwo (K) maa ɛnyia debie bieko mɔɔ ɛkulo a ɛbagenga anzɛɛ ɛbanlea la.
Kɛzi ɛbanwu Baebolo tɛkese ne mɔ la
Bɛhile tɛkese ne mɔ zɛhae, Baebolo buluku ne (A), tile ne (B), yɛɛ ngyɛnu anzɛɛ ngyehyɛnu ne mɔ (D). Kɛ neazo la, Dwɔn 17:3 kile Dwɔn buluku ne, tile 17, ngyɛnu 3.