Kɛzi Baebolo ɛzukoalɛ ɛhye baboa wɔ kpalɛ la
Dimoa suzu mukenye ɛhye anwo, na akee ye VIDIO ne.
FOA MƆƆ LIMOA
Amaa wɔaziezie ɛ nwo wɔamaa ɛzukoalɛdeɛ ko biala la, dimoa kenga foa ne mɔɔ limoa la. Kpuya ne mɔ mɔɔ bɛyɛ bɛ mgbole (A) yɛɛ tɛkese ne mɔ (B) si edwɛkɛ titili ne mɔ azo. Yɛ ye nzonlɛ kɛ bɛhɛlɛ tɛkese bie mɔ anwo “kenga.”
AVINLI NE
Edwɛkɛ ne mɔɔ limoa wɔ (D) wɔ Sukoa Dɔɔnwo abo la kilehile mɔɔ doa zo la anu. Edwɛkɛtile ngyikyi ne (Ɛ) buke edwɛkɛ titili ne mɔ anye. Ɛ nee wɔ kilehilevolɛ ne ɛlɛsukoa a, kenga tɛkese ne mɔ, bua kpuya ne mɔ na nea vidio ne mɔ.
VIDIO ne mɔ mɔɔ wɔ nu la maa ɛnwu vidio nee ɔdio mɔɔ boka edwɛkɛ ne anwo la. Vidio bie mɔ le awie mɔ edwɛkɛ mɔɔ zile la. Bie mɔ noko le yɛkile mɔɔ bɛva bɛhile debie mɔɔ bahola azi la, ɔti ɔnle edwɛkɛ mɔɔ zile yɛɛ tɛ menli mɔɔ wɔ nu la anwo edwɛkɛ ɔ.
Nea nvoninli nee edwɛkɛ mɔɔ gua nwolɛ la kpalɛ (E), na dwenle kɛzi ɛbabua kpuya mɔɔ wɔ Bie Mɔ Ka Kɛ (F) abo la anwo.
FOA MƆƆ LI AWIELEƐ
Edwɛkɛ Titili nee Ndinu (G) wɔ ɛzukoalɛdeɛ ne awieleɛ. Kɛlɛ kenle mɔɔ bɛwiele ɛzukoalɛdeɛ ne la. Bodane (H) kile wɔ debie mɔɔ ɔwɔ kɛ ɛyɛ nwolɛ gyima la. Kpondɛ Dɔɔnwo (I) maa ɛnyia debie bieko mɔɔ ɛkulo a ɛbagenga anzɛɛ ɛbanlea la.
Nuninyɛne
|
|
|
|
|
Kɛzi ɛbanwu Baebolo tɛkese ne mɔ la
Mbuluku ngyikyi 66 a wɔ Baebolo ne anu a. Bɛhyɛ nu foa nwiɔ: Hibulu-Elam Ngɛlɛlera (“Ngyekyeleɛ Dɛba”) ne yɛɛ Kilisiene Giliki Ngɛlɛlera (“Ngyekyeleɛ Fofolɛ”) ne.
Saa bɛtwe adwenle bɛkɔ ngɛlɛlera bie azo wɔ buluku ɛhye anu a, bɛhile ye zɛhae, Baebolo buluku ne duma (A), mɔɔ doa ye la a le tile ne (B), yɛɛ ngyɛnu anzɛɛ ngyehyɛnu ne mɔ (D).
Kɛ neazo la, Dwɔn 17:3 kile Dwɔn buluku ne, tile 17, ngyɛnu 3.