Foa 14 Mukenye

Alimoa Kilisienema bɔle Belemgbunlililɛ ne anwo edwɛkpa ne nolo wɔ azɛlɛ ye azo amuala. Gyisɛse hilele bɛ ɛleka mɔɔ bɛhɔha edwɛkɛ ne la yɛɛ ɔluale nwanwane adenle zo ɔmaanle bɛhilehilele awie mɔ wɔ bɛdabɛ bɛ aneɛ nu. Gyihova maanle bɛnyianle akɛnrasesebɛ nee tumi ɔmaanle bɛgyinlanle ɛkpɔlɛ mɔɔ anu yɛ se kpalɛ la anloa.

Gyisɛse maanle ɛzoanvolɛ Dwɔn nyianle Gyihova anyunlunyia ne anwo ɛnyelɛzodeɛnwunlɛ. Eza Dwɔn nwunle kɛ anwuma Belemgbunlililɛ ne ɛli Seetan anwo zo konim bɔkɔɔ. Dwɔn nwunle kɛ Gyisɛse nee ye menli 144,000 ne ɛlɛdi Belemgbunli. Eza Dwɔn nwunle kɛ azɛlɛ ne amuala ɛyɛ paladaese na alesama ɛlɛsonle Gyihova wɔ anzodwolɛ nee koyɛlɛ nu.