Foa 12 Mukenye

Gyisɛse hilehilele menli anwuma Belemgbunlililɛ ne anwo debie. Eza ɔhilehilele bɛ kɛ bɛyɛ asɔne kɛ Nyamenle duma nwo ɛde, ye Belemgbunlililɛ ɛrɛla na ye ɛhulolɛdeɛ ɛyɛ ɛkɛ wɔ azɛlɛ ye azo. Saa ɛle awovolɛ a, kilehile mɔɔ asɔneyɛlɛ ɛhye kile la anu kile ɛ ra. Gyisɛse ammaa Seetan adenle yeammaa yeanzɛkye ye nɔhalɛlilɛ ne. Gyisɛse kpale ye ɛzoanvolɛ ne mɔ na bɛrayɛle menli mɔɔ balimoa ahɔ Belemgbunlililɛ ne anu na bɛayɛ gyima titili wɔ nu a. Yɛ mɔdenle mɔɔ ɛnee Gyisɛse bɔ wɔ nɔhalɛ ɛzonlenlɛ nwo la nzonlɛ. Kɛmɔ ɛnee Gyisɛse kulo kɛ ɔboa awie mɔ la ati, ɔyɛle wuliravolɛma ayile, ɔmaanle menli mɔɔ ɛhɔne ɛlɛku bɛ la aleɛ na ɔdwazole mowuamra. Ɔluale nwanwane ninyɛne ɛhye mɔ amuala azo ɔhilele mɔɔ Belemgbunlililɛ ne bayɛ amaa alesama la.