Foa 8 Mukenye

Gyihova maanle Sɔlɔmɔn nwunle nrɛlɛbɛ kpole na ɔnyianle adenle ɔzile ɛzonlenlɛsua ne, noko ngyikyi ngyikyi ɔhwenle ɔ nwo ɔvile Gyihova anwo. Saa ɛle awovolɛ a, kilehile kɛzi adalɛ ɛzonlenlɛma hwenle Sɔlɔmɔn vile Nyamenle anwo la anu kile ɛ ra ne. Belemgbunlililɛ ne anu hyɛle nwiɔ, na arelemgbunli amumuyɛma maanle menli ne zonlenle awozonle. Mekɛ ɛhye anu, bɛyɛle Gyihova ngapezoma mɔɔ di nɔhalɛ la anu dɔɔnwo kpɔdekpɔde na bɛhunle bɛ. Ɔbahyema Gyɛzɛbɛle maanle sɔlɔ belemgbunlililɛ ne hwenle ɔ nwo vile Gyihova anwo kpole kpalɛ. Ɔle mekɛ mɔɔ ɛnee ninyɛne ɛngɔ ye boɛ fee wɔ Yizilayɛ a. Noko ɛnee Gyihova azonvolɛ mɔɔ di nɔhalɛ la dɔɔnwo tɛbɔ Yizilayɛ, bie a le Belemgbunli Gyɛhɔhyafate nee ngapezonli Yilaegya.