Kɛzi Ɛbu Baebolo Ne Ɛ?
Asoo ɛbaha kɛ ɔle . . .
buluku mɔɔ sonla nrɛlɛbɛ a wɔ nu a?
nwɔra buluku?
Nyamenle Edwɛkɛ?
MƆƆ BAEBOLO NE KA LA
“Ngɛlɛlera ne amuala vi Nyamenle sunsum nu.”—2 Timote 3:16, Ewiade Fofolɛ Ngilebɛbo.
KƐZI ƆBABOA WƆ LA
Ɔbua ɛbɛlabɔlɛ nu kpuya mɔɔ anwo hyia la.—Mrɛlɛbulɛ 2:1-5.
Ɔfa alehyenlɛ biala ɛbɛlabɔlɛ nwo adehilelɛ kpalɛ ɔmaa.—Edwɛne 119:105.
Ɔmaa yɛnyia anyelazo kpalɛ.—Wulomuma 15:4.
ASOO YƐBAHOLA YƐALIE MƆƆ BAEBOLO NE KA LA YƐALI AMGBA?
Ɛhɛe, ɔlua ninyɛne nsa bie ati:
Nuhua edwɛkɛ le ko pɛpɛɛpɛ. Menli kɛyɛ 40 a vale ɛvolɛ mɔɔ bo 1,600 la hɛlɛle Baebolo ne a. Bɛ nuhua dɔɔnwo ɛnze bɛ nwo. Noko buluku ne anu edwɛkɛ le ko yɛɛ ɔlɛ edwɛkɛtile kokye!
Tetedwɛkɛ mɔɔ le nɔhalɛ. Ewiade tetedwɛkɛ kɛlɛvoma ɛnga konim mɔɔ bɛ menli ne anli la anwo edwɛkɛ. Noko Baebolo kɛlɛvoma ne hanle bɛ nvonleɛ nee bɛ maanle ne ɛdeɛ nwo edwɛkɛ mɔɔ le nɔhalɛ.—2 Edwɛkɛsisilɛ 36:15, 16; Edwɛne 51:1-4.
Ngapezo mɔɔ ba nu. Baebolo ne limoale hanle dole ɛkɛ ne kɛ bɛbazɛkye tete suakpole Babelɔn wɔ ɛvolɛ kɛyɛ 200 anu. (Ayezaya 13:17-22) Tɛ adenle mɔɔ bɛbalua zo bɛazɛkye Babelɔn la anwo edwɛkɛ angome a ɔhanle a, eza ɔbɔle ahenle mɔɔ bazɛkye suakpole ne la duma bɔbɔ!—Ayezaya 45:1-3.
Baebolo ngapezo gyɛne dɔɔnwo noko rale nu pɛpɛɛpɛ. Asoo tɛ mɔɔ yɛ nye la kɛ Nyamenle Edwɛkɛ ne bayɛ la ɛne?—2 Pita 1:21.
DWENLE ƐHYE ANWO
Kɛ ɔkɛyɛ na Nyamenle Edwɛkɛ ne amaa wɔ ɛbɛlabɔlɛ ayɛ kpalɛ ɛ?
Baebolo ne bua kpuya zɔhane wɔ AYEZAYA 48:17, 18 yɛɛ 2 TIMOTE 3:16, 17.