Pɛ Ewiade Fofolɛ Ne Nvoninli
Kɛlata Zo Ɛdeɛ
1. Ɛbahɔ bie, mebahɔ bie;
Yɛbahɔ ‘wiade fofolɛ anu.
Anyelielɛ mɔɔ ɔbayɛ,
Yɛbadɛnla anzondwolɛ nu.
Ɛtanema ɛnle ɛkɛ;
Nyamenle bali tumi dahuu.
Na ɔbayɛ azɛlɛ ne fofolɛ.
Yɛbavi ahonle nu yɛahanvo ye kɛ:
(NLIEZO)
“Gyihova, yɛ Ze, yɛda wɔ ase.
Gyisɛse ɛyɛ ninyɛn’ fofolɛ.
Yɛfi ahonle nu yɛto edwɛne kɛ:
Ɛfɛta anyunlunyia nee nganvolɛ.”
2. Nea ewiade fofolɛ ne;
Pɛ ye nvoninli wɔ w’adwenle nu.
Yɛnrɛzulo debie biala.
Yɛ nwo badɔ yɛ nɔhalɛ nu.
Ye edwɛkɛ ne ɛra nu;
Ye ndanlɛ sua ne wɔ yɛ nu.
Na ɔbadwazo menli mɔɔ ɛwu la;
Yɛ nee bɛ babɔ nu ado edwɛne kɛ:
(NLIEZO)
“Gyihova, yɛ Ze, yɛda wɔ ase.
Gyisɛse ɛyɛ ninyɛn’ fofolɛ.
Yɛfi ahonle nu yɛto edwɛne kɛ:
Ɛfɛta anyunlunyia nee nganvolɛ.”
(Eza nea Edw. 37:10, 11; Aye. 65:17; Dwɔn 5:28; 2 Pita 3:13.)