Yɛyɛ Gyima Kpalɛ
Kɛlata Zo Ɛdeɛ
1. Gyihova, mekɛ ɛdwu,
Yemɔti yɛra ɛ nyunlu.
Wɔlo yɛ na wɔli yɛ eni,
Yɛda wɔ ase.
Wɔyila yɛ gyima ne
Mɔɔ yɛyɛ la azo kpalɛ.
Yɛzi sua ɛhye yɛmaa wɔ,
Ɔle wɔ ɛdeɛ.
(NLIEZO)
Gyihova wɔmaa yɛ adenle
Wɔmaa yɛzi sua ɛhye.
Yɛbava yɛayɛ wɔ gyima ne; yɛazonle wɔ
Na yɛali wɔ eni dahuu.
2. Ɛnɛ le kenle kpole,
Yɛnyia agɔnwolɛma dɔɔnwo.
Yɛ nye sɔ ninyɛne ɛhye mɔ,
Bɛsonle bolɛ.
Yɛ koyɛlɛ ne manle
Wɔ sunsum ne lale ali.
Yɛmaa menli ɛnwu wɔ duma,
Yɛli ye eni!
(NLIEZO)
Gyihova wɔmaa yɛ adenle
Wɔmaa yɛzi sua ɛhye.
Yɛbava yɛayɛ wɔ gyima ne; yɛazonle wɔ
Na yɛali wɔ eni dahuu.
(Eza nea Edw. 116:1; 147:1; Wulo. 15:6.)