Nyamenle Ɛyɛ Ɛlɔlɛ Nwo Neazo

1. Gyihova ɛyɛ ɛlɔlɛ nwo neazo

Ɛmaa yɛ,

Yɛ muala.

Ɔle neazo mɔɔ saa yɛdi ɔnzi a

Yɛbayɛ ko,

Yɛbayɛ ko.

Sukoa Nyamenle, dua ye adenle zo;

Kpalɛyɛlɛ nee tenlene adenle.

Ɔmaa yɛ nye die na yɛka yɛbɔ nu.

Ye adenle,

Kile ɛlɔlɛ.

2. Nyamenle ’lɔlɛ ka yɛ maa yɛkulo

Mediema,

Mediema.

Ɔmaa yɛboa yɛ nwo ngoko ngoko

Mekɛ biala,

Mekɛ biala.

Yɛsukoa fakyɛ na yɛ nee bɛtɛnla.

Yɛkile bɛ kɛ yɛkulo bɛ kpalɛ,

Na yɛda yɛ Ze ne subane ali.

Yɛlɛ ’lɔlɛ,

Mediema ’lɔlɛ.

3. Nyamenle ’lɔlɛ ne maa yɛsonle ye

Ewiazo

Nee nɔɔzo.

Yɛ fi ahonle muala nu yɛtie ye.

Yɛyeyɛ ye,

Yɛyeyɛ ye.

Yɛbɔ ye duma yɛkile awie mɔ

Yɛmaa bɛnwu mɔɔ Baebolo ne ka la

Na bɛsonle ye alehyenlɛ biala.

Ɛlɔlɛ ’hye

Vi ahonle nu.